Eingin nýskipan í løgtinginum í august

bannari
25.08.2017 - 13:02
AktueltPolitikkur
Eingin nýskipan í løgtinginum í august
Eingin tingfundur verður fyrra partin í september
Løgtingsfók fara at ferðast og formansskapurin í fólkatinginum kemur hendanvegin, so eingin tingfundur verður í fyrru helvt í september.
 
 

Uppskotið um fiskivinnunýskipan kemur ikki í løgtingið í august.

Tað hevur løgmaður annars lovað oftari enn eina ferð.

Millum annað ólavsøkudag.

Ikki komið í morgun

Tá vit tosaðu við løgtingsformannin, Páll á Reynatúgvu, fyri tingfundin í dag, hevði hann ikki sæð uppskotið á Løgtingsskrivstovuni.

Har skal tað vera í tríggjar yrkadagar, áðrenn tað verður lagt fram, so løgtingumsitingin hevur stundir at viðgera tað.

Løgtingsformaðurin er ikki sinnaður at víkja frá hesari tíðarfreistini.

Er uppskotið komið í løgtingið á middegi í dag, hann tað í fyrsta lagi leggjast fram týsdagin. Leygardagur telur sum yrkadagur.

Eingin tingfundur

Men støðan er bara tann, at týsdagin 29.august verður eingin løgtingsfundur.

Tingfundur verður ikki aftur fyrr enn hálvan september.

Orsøkin er, at týsdagin er Útnorðurráðið á fundi í Reykjavík. Tá tann fundurin er liðugur, fer Vinnunevndin til Japan.

Tá tingfólkini í Vinnunevndini eru komin heim aftur, kemur formansskapurin í fólkatinginum til Føroya. 

Hann verður her dagarnar 10.- 14.september.  

Nýggjastu sendingar í ÚV
Mikudag 20. juni
Altjóða yogadagur 21. juni
82128
Týsdag 19. juni
Bróstageving er týdningarmikil
82129
Týsdag 19. juni
HM-tíðindi 19. juni 2018
82088
Mánadag 18. juni
Fremmand í Århus
82045
Nýggjastu sendingar í SV
Mánadag 18. juni
3-2
82062
Mánadag 18. juni
Blank 7
81786
Sunnudag 17. juni
Andaktin
81999
Sunnudag 17. juni
Guðstænasta úr Dómkirkjuni
81994
Leygardag 16. juni
Video: Eystanstevna, 8mf
81982