Stílurin: Anna Rósa Durhuus
Sokkar, sokkar og meira sokkar!
30.09.2017 - 16:31

Hesa ferð er tað Anna Rósa Durhuus, sum vísir okkum sín stíl. Tað, ið serliga eyðkennir stílin hjá Annu Rósu, eru allir teir stuttligu sokkarnir, ið hon gongur í.

 

 

- Eg haldi ikki, at eg gangi so ótrúliga høgt uppí, hvørjum klæðum eg eri í. Men eg hevði allíkavæl ikki funnið uppá at farið í skúla ella til arbeiðis í joggingklæðum.

 

Anna Rósa sigur, at stílurin hjá henni kann vera eitt sindur skiftandi. Onkrar dagar er hon í skjúrtu og fínum klædningsbuksum. Aðrar dagar fer hon heldur í eina einfalda troyggju og einar cowboybuksur.

 

- Eg vildi lýst mín stíl sum "basic with a twist"! 

 

 

Anna Rósa finnur íblástur til sín stíl á Instagram. Har sær hon alt møguligt, ið gevur henni íblástur til at seta klæðir og litir saman uppá ymiskar mátar.

 

- Mær dámar væl at ganga í neutralum og myrkum litum, men fyri at tað ikki skal blíva alt ov keðiligt, so pifti eg ofta outfittið upp við kulum og litríkum sokkum! 

 

 

Anna Rósa keypir síni klæðir á ASOS og í handlum uttanlands, tá ið hon er og ferðast.

 

- Eg keypi sjáldan klæðir í Føroyum. Tí tá man finnur okkurt pent her, sum til dømis eina blusu, so eru tað næstan altíð einar 10 aðrar gentur, ið longu eiga akkurát líka blusu. 

 

Hon keypir sum oftast hennara kulu sokkar á Ebay og ASOS, tí har er eitt stórt úrval av øðrvísi og stuttligum sokkum, ið ikki eru alt ov dýrir.

 

- Eg havi akkurát bestilt eina gula troyggju og fleiri pør av sokkum á netinum. Men nú haldi eg, at eg havi keypt ríkiliga nógvar sokkar. So mítt næsta keyp verður sikkurt eitt lekkurt par av buksum!

 

 

 

 
 

 

 

Er lítil undirtøka til vakurleikakappingar ein javnstøðuspurningur? Eru ungar føroyskar kvinnur kúgaðar undir avoldaðum samfelagsnormum, ella eru aðrar orsøkir aftanfyri lága luttakaratalið til „Miss Faroe Islands“?
Interview við Moddi Moddi hevur verið á drúgvari konsertferð og endaði ferðina í Føroyum. Hann greiðir frá konsertferðini, og prátar um alt frá verkætlan hansara til hálvtrýss ára gamlar konur.
Snarskeið í at skriva BV3 Stress, stress og meira stress
Klumma: Eri eg ein pisa, ið ongantíð fer á flog? Eg eri takknemlig, eg eri glað, og eg vildi ikki havt tað á ein øðrvísi hátt. Men tað vilja øll hini.
Bitcoin fyri býttlingar Eitt gott tip hevði verði at keypt sær Bitcoin fyri nøkur oyru í dag aðrenn tað er forseint, men sjálvandi bara nýt pening, ið tú er klár/ur at missa.