- Tíðindi, mentan og ítróttur
Góðan morgun Føroyar
Fleiri fakfeløg hava verið og eru til lønarsamráðingar í hesum døgum. Starvsmannafelagið hevur júst verið til lønarsamráðinga. Starvsmannafelagið og Fíggjarmálaráðið eru samd um ein sáttmála, har lønin hjá limunum hækkar 633 krónur um mánaðin fyrra árið og 754 krónur afturat seinna árið. Tað vil siga, at øll, sum eru lønt eftir sáttmálanum hjá Starvsmannafelagnum, hava fingið í alt1387 krónur afturat um mánaðin 1. oktober næsta ár.
Men Ikki øllum fakfeløgum dámar leistin hjá Fíggjarmálaráðnum, at samráðast um krónur heldur enn prosentir. Formaðurin í Lærarafelagnum, sum situr við samráðingarborðið nú, sigur, at hetta gongur út yvir skúlaleiðslurnar og lærarar á endastigi - tí teir høvdu kunna fingið meira burtur úr lønarhækking var í prosentum ístaðin fyri krónum.