Einki plastikk og einki oyðsl

Soleiðis gongur tað fyri seg, tá limirnir í Vistgrøði fara til handils heima í einari dagligstovu umleið einaferð um vikuna.

Hugsjónin handan Vistgrøði er hon, at tú keypir ikki meira enn tær tørvar, at tú sleppur undan at dálka umhvørvið, og at tú í stóran mun kann tryggja tær, at tann, ið hevur framleitt vøruna, eisini fær nøktandi pening fyri hana.

Vit hava prátað við Borghild á Fløghamri, ið er ein av stigtakarunum til Vistgrøði, har alt arbeiðið er ólønt, men har tú fært so nógv annað í staðin.