Koyrdi ávirkaður og misti koyrikortið

12.09.2018 - 09:23
Aktuelt112
Koyrdi ávirkaður og misti koyrikortið
Hetta er aðru ferð, at bilførarin er tikin fyri at bróta ferðslulógina, og tí missir hann koyrikortið í 3,5 ár.
 
 

Pínulinnandi heilivágur kann ikki brúkast sum umbering fyri at koyra við kenning. Tað hevur Føroya rættur staðfest í einum dómi.

Politiið steðgaði einum bilførara tíðliga ein leygarmorgun í mars í fjør. Promillan hjá bilføranum var 0,24. Markið er 0,20.  

Bilførarin noktaði seg sekan í rúsdrekkakoyring í rættinum.

Hann segði, at hann hevði tikið ein Voltaren pillara og tveir Ibuprofen pillarar, sum er pínulinnandi heilivágur, og drukkið í mesta lagi hálva gulløl.

Men pínulinnandi heilivágur kann ikki brúkast sum grundgeving fyri frídøming fyri ákæru um rúsdrekkakoyring, sigur Føroya rættur.

Dómurin er tíggju dagar treytað fongsulsrevsing, samfelagstænasta í 30 dagar og 8.500 krónur í sekt.

Av tí at hetta er aðru ferð, bilførarin er tikin fyri at bróta ferðslulógina, missir hann koyrikortið í hálvt fjórða ár.

Seinna brotið er framt í royndartíðini eftir fyrra brotið. Tí er revsingin so hørð hesaferð. 

Hon er ásett eftir tí, sum Rættarnevndin hjá løgtinginum segði í 2009 um koyring aðru ferð, har promillan er millum 0,21 og 0,50.

Nýggjastu sendingar í ÚV
Leygardag 23. februar
Hvør myrdi Alec de Antiquis
91097
Leygardag 23. februar
Leygardagur 23.02.19
91563
Leygardag 23. februar
Tú skalt einki siga
91557
Leygardag 23. februar
Morgunlestur leygardagur 23. februar 2019
90860
Nýggjastu sendingar í SV
Leygardag 23. februar
Hondbóltur: Neistin - Kyndil
91573
Leygardag 23. februar
Hondbóltur: VíF - Kyndil
91572
Leygardag 23. februar
Mitt í náttúruni (9:9)
90125
Fríggjadag 22. februar
Lyst 28
91497
Fríggjadag 22. februar
Vinnulívsmenn kjakast um fiskivinnu
91538