Stop torture átak á G!

Amnesty International er ein altjóða mannarættindafelagsskapur, sum kannar mannarættindastøðuna kring heimin, skrivar frágreiðingar og ger átøk. 

Eisini í Føroyum hevur Amnesty eina deild, og er hon ein av teimum heilt gomlu. Amnesty International varð sett á stovn í 1961, og 4 ár eftir hetta sá deildin í Føroyum dagsins ljós.

Endamálið hjá Amnesty er at øll menniskju hava tey somu grundleggjandi mannarættindi, sum verða lýst í heimsyvirlýsingini hjá ST.

Mitt á festivaløkinum á G! hevur Amnesty sín egna bás, har tey kunna fólk um eitt átak ímóti píning. Í samband við átakið, verður dentur lagdur á eitt serligt mál um ein ungan mann í Nigeria.

Niðri í básinum hjá Amnesty á G! siga tey soleiðis um átakið:

-Á G! arbeiða vit við einum átaki ímóti píning, og vit leggja serliga stóran dent á eina ávísa søgu um ein drong úr Nigeria. Hann eitur Moses, og varð ákærdur sum 16 ára gamal, fyri at hava stolið tríggjar fartelefonir. Eftir at hann hevur sitið í fongsli í átta ár, bleiv hann píndur, og játtaði seg hareftir sekan. Av tí hevur Moses fingið deyðarevsing.

Amnesty International arbeiðir hart ímóti hesum málinum, og savnar eisini undirskriftir inn á G! festivalinum, við vón um, at deyðarevsingin hjá Mosesi verður ógildað.

Hanna Vang hevur tikið myndirnar.