Facebook spáar forelskilsi

Soleiðis skrivar Jyllands-posten um dátafrøðingin Carlos Greg Diuk, sum er komin fram við hagfrøðiligum frágreiðingum um, hvussu vit eru á sosialu miðlunum, tá ið vit eru forelskað.

Tá ið vit byrja at flirta, byrja vit at senda boð á veggin hjá hvørjum øðrum. 100 dagar áðrenn tann stóra dagin, økist talið av boðum, sum vit senda til okkara útvalda. Talið økist støðugt inntil 12 dagar áðrenn, vit koma í parlag á Facebook. Á hæddarpunktinum er talan um 1,67 boð um dagin. Og eftir hetta minkar talið.

At talið av boðum minkar, merkir ikki, at vit gerast minni eydnusom í parlagnum, sigur Carlos Greg Diuk. Hann vísir harafturímóti á, at tá ið vit eru komin í eitt parlag, brúka vit meira tíð saman og senda sostatt færri boð til hvønn annan. Harafturat økist talið av positivum ”emoticons”, tá ið parlagið gert alment. Og hetta vísir, at vit eru eydnusom í parlagnum, sigur Carlos Greg Diuk.