Ver við í skaldsøgukapping

Um vikuskiftið hava bókadagar verið í Norðurlandahúsinum, og tiltakið endaði heilt óvæntað við, at nýggj skaldsøgukapping varð útskrivað.

Tað er Kári Árting, stjóri í Rit og Rák, í samstarvi við aðrar bókhandlar, ið skrivar út skaldsøgukappingina.

Krøvini til skaldsøguna eru fyrst og fremst, at tað skal vera ein føroysk samtíðarskaldsøga, ið viðger tilveruna her og nú. Vinnarin av kappingini fær 50.000 krónur, og freistin er í septembur 2015.