Jákup Eli við nýggjari útgávu

Jákup Eli, sum nokk serliga er kendur fyri lagið "Vanja" hevur júst givið út nýggja singulplátu og sítt fyrsta sjónbandalag.

Singulplátan, sum inniheldur tey bæði løgini "Konufólkapanikk" og "Spyr meg ikki hví", er fyrsta føroyska singulplátan í nýggjari tíð.

Í kvøld verður útgávukonsert í Sirkus, har Jákup Eli fyri fyrstu ferð hevur bólk við sær. Við sær hevur hann Ranchus og Finn Koba, sum saman við Jákup Eli fara at spæla nýggju løgini og onkur eldri løg eisini. 

Jákup Eli hevur gjørt nógv burtur úr nýggju singulplátuni. Bert eru 150 eintøk gjørd av 7-tummaplátuni, sum Jákup Eli eisini sjálvur hevur hond-nummerað.