Ársins mest brúktu loyniorð

Eftir eitt ár við fleirtals álopum frá teldusníkum og dátalekum, eru brúkarar á netinum kortini ikki blivnir betri til at velja eitt gott loyniorð á netinum. Tað vísir listin yvir tey mest brúktu loyniorðini í 2014, sum virkið, SplashData, júst hevur útgivið, skrivar DR.

Listin yvir mest brúktu loyniorðini verður givin út á hvørjum ári. Listin byggir á upplýsingartilfar frá dátalekum, sum hava verið gjøgnum farna árið. Tað vil siga loyniorð, sum onnur hava brúkt og síðan stolið.

Hóast talan er um eyðsýnd loyniorð so sum 123456 og abc123, so eru tað kortini als ikki allir brúkarar, ið hava verið úti fyri álopi frá teldusníkum, sum hava hesi loyniorð. 25 mest brúktu loyniorðini niðanfyri fevna bara um 2,2% av samlaðu mongdini av loyniorðum, sum hava verið úti fyri álopi frá teldusníkum.

Vanliga verður mælt til, at mann velur lang loyniorð, sum bæði innihalda tøl, bókstavir og tekn. Og so skal mann heldur ikki brúka somu loyniorð umaftur.

Er tað ov torført at minnast til øll loyniorðini, kann mann brúka ymisk forrit, sum goyma tíni loyniorð trygt m.a Lastpass og 1Password.

Her er listin við mest brúktu loyniorðunum í 2014:

1. 123456
2. password
3. 12345678
4. qwerty
5. abc123
6. 123456789
7. 111111
8. 1234567
9. iloveyou
10. adobe123
11. 123123
12. admin
13. 1234567890
14. letmein
15. photoshop
16. 1234
17. monkey
18. shadow
19. sunshine
20. 12346
21. password1
22. princess
23. azerty
24. trustno1
25. 000000