Sangir til regndagar

Til hipstaran

'Into Each Life Some Rain Must Fall' hjá Ella Fitzgerald og The Ink Spots er perfekti regnsangurin til tín, sum gjarna vilt hugtaka tíni alt ov kulu vinfólk við einum sangi, sum tey ikki kenna og tí sjálvandi dyrka.

Til tann alternativa

'Rain Dogs' hjá Tom Waits er til tín, sum hatar regn og vilt gloyma dagin og teg sjálvan burtur í syraðum ljóðum.

Til tann fitta

'Have You Ever Seen the Rain' hjá Credence Clearwater Revival er til tín, sum, tá saman um kemur, heldur at regn er heilt ókay og bara vilt hoyra ein góðan sang.

Til tann svartskygda

'Why Does it Always Rain on Me' hjá Travis er til tín, sum altíð heldur, at tað regnar mest, tá tú fert út um hurðina. Alt sokkar, tá tað regnar, og Travis siga tað júst, sum tað er.

Til romantikaran

'Blue Eyes Crying in the Rain' hjá Willie Nelson er júst tann rætti sangurin til tín, sum fær hug at tendra stearinljós og klemma tína betru helvt, tá tað regnar.

Til tann popputta
'Umbrella' hjá Rihanna er til tín, sum aldrin missir mótið, men enn vil út at spæla lekkur, sjálvt tá tað regnar.

Til tann svaka

'Rainmaker' hjá Iron Maiden er sangurin til tín, sum stendur mitt í storminum og skrálar banniorð eftir regninum.