Fer Kristel Lisberg at vinna í kvøld?

Á heimasíðuni dr.dk ber til at atkvøða fyri, hvør vinnarin av teimum tíggju luttakarunum í Melodi Grand Prix verður. Føroyska Kristel Lisberg liggur nummar fýra, meðan teir báðir Muri og Mario eru á odda. 

Hóast slíkar atkvøðugreiðslur sjáldan eru serliga eftirfarandi, so eru aðrar ábendingar um, at Kristel møguliga endar á einum fjórða plássi.
Veddingarstjórarnir á eitt nú Danske Spil og Bet365 eru rættiliga samdir um, hvørji endaligu úrslitini av sangkappingini verða: Simone vinnur, meðan Kristel Lisberg endar á einum fjórða plássi.

Soleiðis síggja oddsini á Bet365 út: 

Oddsini fyri, at Kristel vinnur, eru 10. Hetta merkir, at tú fært pengarnar 10 ferðir aftur.

Danska Melodi Grand Prixið byrjar í kvøld kl. 19:00 á DR1. Til ber at atkvøða ókeypis við Grand Prix appini. 

Hoyr lagið "Who Needs a Heart", sum Kristel fer at framføra í kvøld.