Soleiðis gera tey øl á Velbastað
Røddin hevur vitjað á Velbastað, har annað av føroysku bryggihúsunum heldur til. Les eitt nú í greinini, hvussu tey gera øl og hvørji sermerki eru við spesial-øli.
19.02.2016 - 19:15

Okkara er bryggjarí, stovnað í 2010
Bryggjaríið ætlaði frá byrjan av at framleiða spesial øl. Skjótt kundi tó staðfestast, at føroyski marknaðurin var ov lítil og óvandur við hetta slagið av øli, so í dag verður "mainstream" øl eisini framleitt. Hugtakið mainstream fevnir um Okkara Vanligu, Klassik og Gull.

 

Bryggjarar hjá Okkara eru Høgni Jensen og ein hjálparbryggjari úr Danmark, Peter Clementsen.

 

 

Trupult at vinna seg inn á marknaðin

Okkara kom á marknaðin við stormi. Serliga vóru tað elegentu dósirnar, umframt tær snøggu glasfløskurnar, sum hugtóku fólk. Okkara var ein "kul" og spennandi vøra, men tó hava fyrstu árini verið hørð.

 

- Vit eru uppi ímóti einum siðbundnum marknaði, sum er trupul at vinna seg inn á, sigur Peter Petersen, stjóri í Okkara - "aka Peter Øl"

 

 

Petur heldur tó, at føroyingar eru vorðnir meira opnir fyri spesial øl nú enn áður.
-Fyrr vóru bara pilsnari, klassik og gull at síggja. Í dag er nógv størri úrval. Fólk keypa ikki eitt slag longur, men vilja "miksa tað upp," sigur hann.

 

Petur var við í start-up'inum hjá Okkara, men hevur verið burtur í tvey ár. 


- Tillagingar eru gjørdar á "mainstream" ølið, soleiðis at eftirsmakkurin ikki er líka beiskur, sum áður. Føroyinginum dámar betri tað milda ølið. 
Tað hevur gingið eitt sindur tungt, men við hesum broytingum og frískum kreftum, trúgva vit fult og fast upp á framgongd. Nú er tað Rock 'n' Roll. Nú skal tað rigga, ferdigt! sigur Peter við einum smíli. 

                                                                                                                                                                                                                                                                

 

Stutt um framleiðsluna

Søren Antoft, evnafrøðisverkfrøðingur, stóð fyri rundtúrinum, saman við Peturi.

Framleiðslan byrjar við úrvalinum av kornunum. Tað er her, at fortreytirnar fyri smakkinum verða settar. 

Humle ger ølina beiskari, malt ger hana søtari, ímeðan karamell, sjokuláta og annað tilfar kann stuðla undir smakkin eisini.

 

- Tá ið mann skal spæla við ølsmakkin, er korngoymslan staðið, sigur Søren.

 

 

Korngoymslan hjá Okkara - egin mynd

 

 

Síðan verður korn helt í tangan saman við vatni og enzymum. Blandingin verður hitað upp, og enzymini bróta síðan sukurketurnar, sum eru í kornunum, sundur.

 

Blandingin verður síðan flutt í ein annan tanga, sum sílar sukrið frá korninum. Tað er í hesari tilgongdini, at styrkin á ølinum verður avgjørd. Tess meira sukur verður sílað frá, tess veikari gerst ølið. 

 

Eftir hetta verður ølið aftur filtrerað. Hesa ferð við tí endamáli at filtrera gerina burturúr. Fyri at umganga infektión í ølið, verður tað eisini pasteuriserað.

 

- Øl, sum ikki verður filtrerað og pasteruriserað, er kraftmiklari øl, sum eisini hevur eitt sindur tjúkkari konsistens, sigur Søren.

Orsøkin, til at ølið verður filtrerað og pasteruriserað, er av marknaðarligum fordeilum. Dato gerst tá betri, og minni risiko er fyri infektión.

Filtreringin steðgar eisini geringini. Verður hendan tilgongdin ikki steðgað, gerst ølið sterkari.        

                                     

Yvirritaði royndi Okkara Gull beinleiðis frá tanganum, altso ófiltrerað og ópasteuriserað. Hetta var eitt heilt annað upplivilsi enn við vanligum øli. Ølið sá "grumsut" út, orsakað av gerini, sum ikki var fráfiltrerað, men smakkurin var bæði kraftmiklari og fullari enn vanligt. 

 

 Tangar í bryggjarínum - egin mynd

 

 

Ølsmakkingin

Sum sagt var Okkara frá fyrstantíð eitt mikrobryggjarí við ætlan at framleiða spesial øl. Tískil var eisini nógv gott og øðrvísi øl at smakka.

 

Risin og Rinkusteinur eru serligar, tí í seinasta partinum av framleiðsluni verður 850* C føroyskur gossteinur lagdur í ølið. Hetta gevur ølinum ein grótkendan smakk. Risin er tað kraftmiklara øli av teimum báðum, ímeðan grótsmakkurin er meira eyðsýndur í Rinkusteini.                                                                                                                                                                                                                                                    

 

Kellingin, sum er ein onnur spesial øl frá Okkara, er eisini serstak, tí hetta ølið verður hvørki filtrerað ella pasteuriserað, sum flest annað øl.


Ger-kyknurnar eru tær, sum gera, at rúsdrekkaprosentið økist í ølinum, og tá ið tær ikki verða filtreraðar frá, so verður rúsdrekkaprosentið heili 6.9. Hóast styrkina, er ølið bleytt, og hveitimaltið í tí gevur ein kraftmiklan, banankendan anga.

 

Eitt annað nýtt øl frá Okkara er Okkara Gran og Birk. Umframt at hetta ølið er ófiltrerað, júst um Okkara Kelling, so er eingin humla í ølinum. Humla er afturgangandi tilfar, sum ger ølið eitt sindur beiskt, umframt ein blómukendan auroma. Hetta ølið er tískil øðrvísi enn "mainstream" ølið. Hon hevur ein bleytan og lættan smakk. 


- At bryggja øl uttan humle er í løtuni enn norðurlendskur trendur. Soleiðis kunnu vit nýta urtir úr egnari náttúru ístaðin fyri at importera humle. Hetta ger ølina ser-norðurlendska, sigur Petur.

 

"Rabarbuølvín", sum Okkara nevnir tað, er ein heldur øðrvísi framleiðsla. Hesin drykkurin er mest gjørdur úr rabarbum. Malt og brennivín, har føroyskar hvannir havi ligið í bloti, eru eisini tilfar. Úrslitið er ein frískur sjampanjukendur drykkur. Trupulleikin við júst hesum er tó, at "rabaruølvínið" skal standa í tanga í tvey ár, áðrenn ølvínið er liðugt at búnast. 

 

Eisini royndi eg tað, ið Søren pástendur eitur "Trussefjernarin" á donskum. Hetta er pilsnar øl og Faxe Kondi.

- Hetta kann koma væl við ein sunnumorgun klokkan 10.30, sigur hann við einum skálkabrosi.

 

At enda við kom Søren við stuttigum orðafelli:

- Nær smakkar ein øl best? Hvørja ferð, sigur øl-glaði evnafrøðisverkfrøðingurin.

 

Blíðu vertirnir, Søren og Petur

 
 

 

 

Sissal bloggar: #2. partur Sissal Drews Hjaltalin bloggar frá Cannes-festivalinum
Sissal bloggar: #1. partur Sissal Drews bloggar frá Cannes-festivalinum
Topp 10: Mest lisnu greinar á Röddini 2018 Her er ein listi yvir mest lisnu greinarnar í 2018
Sigarettirnar eru skiftar út við snús Fólkaheilsuráðið gav fyri stuttum út nýggja Gallup-kanning, sum vísir, at føroyingar roykja minni enn nakrantíð. Sambært kanningini roykja 25 % av...
Jólakalendarin: tiltøk í desember Tað eru sjálvandi eisini nógv tiltøk á skránni hendan jólamánaðan.