Egin mynd
Studentahúgvureglur
Hvat skal ein studentur, ið skorar ein lærara, gera? Fá svarið her!
21.06.2016 - 18:15

Hesar dagar verða nógvar pisur floygdar og fáa harvið studentahúgvuna. Her eru nakrar av reglunum, ið fylgja, tá ið ein verður liðugur við miðnámsútbúgvingina.

 

Reglur um eydnu og óeydnu:

 

Far ikki í húgvuna áðrenn

Studenturin má ikki fara í húgvuna, áðrenn seinasta royndin er staðin. Verður henda reglan brotin, merkir tað óeydnu.  

 

Undirskrift frá vinum

Allir floksfelagarnir skulu skriva sína undirskrift inni í húgvuni. Hetta merkir eydnu.

 

Heilsanir frá vinum

Vinir og floksfelagar skulu skriva heilsanir í húgvuna. Hetta merkir eydnu.

 

Bit í skuggan

Bestu vinirnir skulu bíta í skuggan á studentahúgvuni, so tenninar sita eftir. Hetta merkir eydnu.

 

 

Reglur um øl og drykkjuskap:

 

Størsta húgvumát

Studenturin við størsta húgvumátinum skal geva flokkinum ein kassa av øl.

 

Minsta húgvumát

Studenturin við minsta húgvumátinum skal geva flokkinum ein kassa av øl.

 

Útpumpning kostar skuggan

Skuggin skal verða kliptur av, um studenturin skal til útpumpningar vegna rúsdrekka.

 

Eitt hakk til tann, ið spýr

Studenturin, sum spýr vegna rúsdrekka, skal hava eitt hakk í skuggan á studentahúgvuni.

 

 

Reglur um sex og kærleika:

 

Mussur gevur ein fýrakant

Um studenturin hevur mussað ein persón, sum viðkomandi onki forhold hevur havt við, skal ein fýrakantur teknast í leðurkantin í studentahúgvuni.

 

Sex við húgvuni á

Studentar, sum hava kynsliga samlegu við húgvuni á, skulu hava eitt snarljós klipt í leðurkantin í studentahúgvuni.

 

Um parlagið verður liðugt

Studentar, sum missa sín maka, skulu taka knapparnar á báðum síðunum á húgvuni av.

 

Skora ein lærara

Um studenturin hevur skorað ein lærara, skal hvíti toppurin á studentahúgvuni takast burtur.

 

Skora ein av sama kyni

Krossurin á studentahúgvuni skal takast av, um studenturin hevur skorað ein av sama kyni.

 

 

Aðrar reglur:

 

Vakin 24 tímar út í eitt

Tá studenturin hevur verið vakin í 24 tímar, skal studentahúgvan vendast við, soleiðis at skuggin vendir móti nakkanum.

 

Síðsti próvtøkukarakterur

Síðsti próvtøkukarakterurin verður skrivaður mítt inni í húgvuni.

 

Leyp nakin á bláman

Leðurkanturin í húgvuni skal hava eitt aldu-tekin, um studenturin leypir á sjógv bert ílatin húgvuna.

 

 
 

 

 

Sissal bloggar: #2. partur Sissal Drews Hjaltalin bloggar frá Cannes-festivalinum
Sissal bloggar: #1. partur Sissal Drews bloggar frá Cannes-festivalinum
Topp 10: Mest lisnu greinar á Röddini 2018 Her er ein listi yvir mest lisnu greinarnar í 2018
Sigarettirnar eru skiftar út við snús Fólkaheilsuráðið gav fyri stuttum út nýggja Gallup-kanning, sum vísir, at føroyingar roykja minni enn nakrantíð. Sambært kanningini roykja 25 % av...
Jólakalendarin: tiltøk í desember Tað eru sjálvandi eisini nógv tiltøk á skránni hendan jólamánaðan.