- Tíðindi, mentan og ítróttur
Kjøtfrítt september
20 ára Una Nielsdóttir Galán og 19 ára gamla Guðrun Gudmundsdóttir Mortensen eru stigtakararnir til “Veganarir Og Verðin”. Talan er ikki um eitt ítøkiligt felag, bert tveir ágrýtnar veganarar við einari Facebook síðu; ið verður sera virkin í september.
September við Samkenslu
Bretar hava “Veganuary” og danir “Marts med Medfølelse”. Í tí sambandi taka Una og Guðrun stig til “September við Samkenslu”. Tað snýr seg ikki um annað enn at eta veganskt í ein mánað.
- Vit fara at leggja tilfar út javnan. Filmsbrot, myndir, uppskriftir o.s.fr., fyri at geva íblástur og áræði til teirri áhugaði.
Hjá flestu føroyingum snýr tað seg um grundleggjandi vanabroyting. Júst tí brúka tær nógva orku henda eina mánaðin, har tær eggja øllum at eta veganskt, sjálvandi við vón um varandi úrslit.
Mynd: © Veganarirnir og Verðin
Nógvir spennandi rættir síggjast á Facebook síðu teirra:
Síðan : Veganarirnir og Verðin
Átækið : September við Samkenslu
Náttúran tolir ikki tínar matvanar
Í høvuðsheitum eru tríggjar orsøkir at gerast veganari. Av heilsuligum, umhvørvisligum og av djóravælferðaráðum.
- Menniskju eru ikki innrættaði at eta kjøt, egg, ost ella at drekka djóramjólk. Nógvar sjúkur stava frá okkara matvanum, so sum krabbamein, húðsjúkur, sukursjúka og enn fleiri. Kjøtídnaðurin er eisini at kalla størsta drívmegin fyri altjóða umhvørvisoyðing. Ídnaðurin aleina framleiðir størri CO2 útlát enn øll heimsins transport tilsamans.
Innistongt ella frítt; ongin humanur háttur finst til djóradráp, sigur Una.
- Fríttgangandi, vistfrøðiligt ella ei. Vit vita øll, at drápið ikki er humanskt. Keypur ella etur tú kjøt, mjólk ella egg, stuðlar tú, kanska ótilvitað, djóramisnýtslu og pínslu. So einkult er tað.
Mynd: © Veganarirnir og Verðin
Mynd: © Veganarirnir og Verðin
Veganskur White Russian
Viðkomandi heimasíður fyri veganska matgerð og lívsstíl :
Innkeypslisti til september :
- Massar av grønmeti, bønur, linsur, rís, epli og pasta! Um mann saknar kjøt ella ost eru fleiri alternativ at finna í handlunum !
Góðan matarlyst !
Sissal bloggar: #2. partur | Sissal Drews Hjaltalin bloggar frá Cannes-festivalinum | |
Sissal bloggar: #1. partur | Sissal Drews bloggar frá Cannes-festivalinum | |
Topp 10: Mest lisnu greinar á Röddini 2018 | Her er ein listi yvir mest lisnu greinarnar í 2018 | |
Sigarettirnar eru skiftar út við snús | Fólkaheilsuráðið gav fyri stuttum út nýggja Gallup-kanning, sum vísir, at føroyingar roykja minni enn nakrantíð. Sambært kanningini roykja 25 % av... | |
Jólakalendarin: tiltøk í desember | Tað eru sjálvandi eisini nógv tiltøk á skránni hendan jólamánaðan. |