Góð ráð til miðnámsnæmingar
Júst byrjað/ur í miðnámi? Her eru nøkur góð ráð til tann, sum ikki vil fella afturúr av býttleika
28.08.2016 - 20:00

- Keyp ringbind ella mappur til øll leys pappír og sortera eftir lærugrein - NÚ. Tú kennir kanska skipanina í bunkunum av pappíri, men seinni verður tað ógjørligt at finna nakað aftur - trust me. 

 

- Droppa sosialar miðlar í tímunum. Um tú heldur, tú fært líka nógv burtur úr tímunum, so royn einaferð og sløkk internetið, fylg við og skriva notatir. Tíðin gongur skjótari, og tú lærir helst nógv meira.

 

- Ikki skulka fyri at gera manglandi innlatingar. Byrjar tú, so gerst tað ein vani. Tak teg heldur saman og ger tað í frítíðini.

 

- Lær teg at byrja uppá uppgávur so skjótt, tú fært tær. So fært tú yvirskot til alt møguligt annað enn manglandi heimaarbeiði. 

 

- Les altíð uppá. Lærarin luktar ófyrireikaðan næming langa leið. Og ikki halda at tú nært at turbo-lesa uppá í fríkorterinum. Kantinukøðin er ov long til tess. 

 

- Flenn eftir skemti hjá lærarum. Tað tænir væl at merkja ongum hægri endamáli, men kanska lærarin verður glaður. Og so er tað karakterurin… 

 

- Ver til reiðar at gera meira enn tín part í bólkaarbeiði. Ert tú í bólki við tí óseriøsa, so er antin at hjálpa viðkomandi at gera sítt ella - um tað er heilt galið - at gera alt beinanvegin. Felagskarakterur gongur út yvir øll í bólkinum. 

 

Um tú veruliga ert ein vónleysur, dovin snigil, so fæst hendan bókin í bókhandlunum : 

 

 
 

 

 

Kropsfatanistar - Vit mugu bróta eitt tabu Tað er nógv ting vit tosa lítið um og so er tað summi ting vit slett ikki tosa um. Her hevur Røddin gjørt samrøðu við Signhild og Sunnvá sum á...
Yvirlit: tiltøk, konsertir og sjónleikir næstu tíðina
Føroyskir skiftisnæmingar - dreymurin um tí stóru verð
Alt tú skalt vita, áðrenn tú byrjar miðnám Tíðin er komin har gamlir vanar vera lagdir til síðis og alt broytist.
Video: Magnus fer sunnudagin til Portugal at sparka fótbólt 18 ára gamli Magnus Holm, sum hevur gjørt um seg bæði á ungdóms landsliðinum og besta liðnum hjá B36, tekur nú næsta stigið í hansara fótbóltskarieru...