Meðan vit sakna SKAM

Tað er fríggjadagur. Tað er SKAM-dagur. Men hvørki seinasta fríggjakvøld ella í kvøld er SKAM á skíggjanum hjá NRK. Drittkeðiligt, altso. Røddin er stórur fjeppari av okkara public-service vinum í Noregi, sum hava megnað at savna ungdóm úr øllum Norðanlondum við fantastisku sjóvarpsrøðini, SKAM.


Og eftirsum NRK hevur boðað frá, at SKAM fer í pausu inntil 14. novembur, hevur Røddin savnað gott tilfar til allar desperatar fjepparar. Vit hava millum annað funnið eitt feskt portrett av deiligu Emmu, sum Danmarks Radio hevur gjørt í dag. Eisini hava vit funnið Instagram-vangarnar hjá fleiri SKAM leikarum. Her er okkara darling Noora. Her er elskiligi, men forvirraði, Isak. Her er Eva. Og her er lekri drittsekkurin, William.


Komandi fríggjakvøld er SKAM aftur á skíggjanum, og tá er RøddinLive eisini klár við 55 minuttum um sjónvarpsrøðina. 

(psst..Veitst tú slett ikki, hvat vit tosa um, tá vit siga, at SKAM er drittfeitt, og at Noora er drittkul, so kanst tú lesa her, hví Røddin heldur, at tú m á s t fylgja við í norsku ungdómsrøðini SKAM.)