List í RøddinLive

Sólveig á Torvlaðnum hevur skrivað

Nógv er, hvat ein kann siga um list. RøddinLive nýtir høvið at taka ymisk listafólk við í sendingina fyri at lýsa evnið.

Millum annað fer eitt panel at svara ymiskum spurningum sum t.d “hvussu definerar tú list?”, og “nær kann man kalla seg sjálva/n eitt listafólk?” Í hesum panelinum verða millum annað Jasmin Mote, sangari, og Einar Torstún, sum skrivar yrkingar og ger tónleik.

Marianna Mørkøre fer eisini at viðgera spurningin “hvussu definerar tú list?”. Marianna er filmslistafólk og heldur, at um tú kallar nakað list, so hevur tú longu kategoriserað tað.

Eisini fara vit at hoyra eina samrøðu við Lailu Carlsen, makeup-artist. Hon heldur, at um tú gert okkurt orginalt, so kanst tú kalla ein makeup-artist fyri eitt listafólk. 

Gvøðny Miriam Gunnarson tekur nakinmyndir av kvinnum. Hon sigur, at hon fær nógvar negativar viðmerkingar fyri at taka slíkar myndir, men at tað ikki steðgar henni, tí at hetta er eitt frælst land, og kvinnur skulu sleppa at vísa sín sexualitet.

Hoyrið RøddinLive klokkan 20!