SKAM heldur fram

NRK hevur fyri stuttum bjargað jólunum hjá øllum SKAM fjepparum. Nú er tað nevniliga greitt, at fjórða sesong av SKAM er á veg. Men! Enn er óvist, hvør verður høvuðspersónur. Í fyrstu sesong átti Eva høvuðsleiklutin, síðani var tað Noora, sum stjól gentu- og dreingjahjørtu um øll Norðanlond. Og í triðju sesong, sum endar um júst eina viku, er tað Isak, sum hevur høvuðsleiklutin. Um tað verður Vilde, Even, Sana, Chris ella onkur heilt annar, sum stendur fyri skotum nú, kunnu vit bert gita um.

SHAME

Í morgun bórust eisini tíðindini um, at heimkendi sjónvarpsframleiðarin Simon Fuller hevur keypt rættindini til SKAM. Vit kunnu sostatt gleða okkum til at uppliva SKAM á enskum.

Næstseinasti partur av SKAM 3 verður sendur í kvøld á http://skam.p3.no/episoder/.