Stílurin eftir Rasmus Árting
- Eg blandi ofta fína merkivøru við t.d. second hand, nýggj trends við okkurt retro, tíðarleyst/traditionelt við okkurt alternativt, litir og mynstur – onkuntíð riggar tað - onkuntíð riggar tað ikki!
12. desember 2016

 

 

 

 

Myndatøka og lagt til rættis: Alda Mohr Eyðunardóttir og Vár Samuelsen

 

Gongur tú uppí hvørjum klæðum tú ert í?
- Ja og nei. Tað kann ofta hava nógv at siga, hvørjum ”mood” man er í tann dagin. Men sjálvt um tað er ein dagur, har eg kanska helst vil ganga í joggingbuksum og einari hettutroyggju, kann eg væl finna uppá at ”peppa” tað upp við onkrum, t.d. einum kulum joggingbuksum, einum feitum skóm ella einari óndari hettutroyggju!


Hvar fært tú íblástur frá?
- Vanliga liggja mótabløðini hjá mammu runt í hvørjum hjørni í húsinum, so um eg vil tað ella ei, fái eg nokk íblástur har frá. Av tí at mamma mín er designari og hevur ein klædnahandil, so hevur móti sum oftast verið heilt nær frá byrjan av. Mótin er bara í bakgrundin, sjálvt um vit ikki ganga so høgt uppí tað.
 

Hvar keypir tú klæðir? 
- Tað mesta av tí, eg eigi, er keypt uttanlanda, og eg eri nóg heppin til at fáa okkurt heim við, tá eg sjálvur ferðist, ella tá mamma hevur verið uttanlanda. Tó kann eg ikki siga, at eg eri ein, sum keypir ofta nýggj klæðir - eg royni heldur at seta tað saman, sum eg eigi, á ein nýggjan og kulan hátt. Eg brúki sera nógv nýggju pløggini, sum eg fái, um tað er jakkar ella skógvar, so slíti eg tað altíð upp – slitin klæðir eru ofta nice! Sjálvandi er tað eisini gott at eiga nøkur tíðarleys pløgg, sum rigga saman við øllum! (Onkuntíð keypi eg sjálvandi eisini á netinum!)


Hvussu hevði tú lýst tín stíl? 
- Eg vil siga, at eg havi ein sera blandaðan ella heldur mixaðan stíl. Mær dámar væl at eksperimentera við klæðunum. Eg blandi ofta fína merkivøru við t.d. second hand, nýggj trends við okkurt retro, tíðarleyst/traditionelt við okkurt alternativt, litir og mynstir – onkuntíð riggar tað - onkuntíð riggar tað ikki! Men sum heild er stílurin hjá mær sera skiftandi, og mær dámar væl at broyta hann og gera hann til mín egna, heldur enn at fylgja onkrum stíl-ikon ella ganga í tí, sum er mainstream.

 

Hvat er títt næsta keyp?
- Mítt næsta keyp var faktiskt ein leður/biker jakki úr London, sum eg skuldi fáa til jólar, men tað er ein heldur stuttlig søga aftan fyri, hvussu eg fekk hann so tíðliga. Sum nú er, veit eg ikki heilt, hvat næsta keypið verður - eg fari óivað at mixa nýggja leðurjakkan við tað, eg longu eigi, áðrenn eg skifti til okkurt annað.

 

 

 

Ovurstimbrandi tøknin: vit taka tøkni sum rúsevni Adam Alter: Nýggja tøknin er sniðgivin at gera okkum bundin – hon oyðileggur lív okkara eins og onnur rúsevni
Veitst tú, hvat tollur er? Ert tú eisini ein av teimum, ið keypir á netinum og heldur, at tú ordiliga gert eitt kubbið, men so tá tú fært vøruna til Føroyar, so kostar hon akkurát tað sama sum ein bóndagarður? Her eru fyrimunirnir og vansarnir við tolli
Hassj í Rúsuna? Tráin Petursson Nónklett vil vera við, at ein skipað søla av hassji er tryggari enn at lata privatfólk taka sær av tí. Aksel Berg er ósamdur og heldur, at tað hevði økt um nýtsluna
Keypa á netinum fyri meiri enn 300 kr? Vit eru tey flestu, ið keypa á netinum. Allarflest eru tey, ið keypa undir 300 kr, tí tað er tryggast. Mann bíleggur, bíðar tvær vikur, og so er pakkin komin. Kynstrið er at finna lekkrastu klæðini undir 300 kr, tí mann torir ikki ordiliga at keypa nakað, ið kostar omanfyri
Vikan í tónleiki Shakespeare, sangleikur ella tungmálmur - hesa vikuna koma tað at vera nógv ymisk og øðrvísi tónleika tiltøk, og her verður heilt sikkurt eisini okkurt til tín!