Soleiðis eita flogførini hjá Atlantic Airways
Endiliga hava flogførini hjá Atlantic Airways fingið nøvn! Les her, hvat tey eita, og hví tey eita so
20. desember 2016

 

 

 

 

Atlantic Airways kunngjørdi stutt síðani, at flogførini hjá teimum skuldu fáa nøvn, og tískil varð ein kapping gjørd fyri at finna tey bestu nøvnini til flogførini. Tey trý flogførini og tær tvær tyrlurnar fingu navn í dag, tann 20. desember 2016.

 

Trý fólk í nevndini

Tað vóru tey trý, Jonhard Mikkelsen, Marna Jacobsen og Brigir Kruse, ið skuldu avgera, hvørji nøvn skuldu gevast til flotan hjá Atlantic. Tað komu 600 uppskot inn, so trupult var at velja hvørji nøvn skuldu brúkast. Tvey onnur, ið hjálptu at velja nøvnini, vóru Jóhanna á Bergi og Niels Mortensen. Saman komu tey fimm til eina niðurstøðu.

 

Vælkend nøvn

Øll uppskotini kundu deilast upp í 4 bólkar: Fulgaheiti, blómuheiti, nøvn úr gomlu norrønu mentanini, og nøvn á navnframum fólkum.

 

- Tað er rættiliga natúrligt at geva einum flogfari fuglanavn, tá ið hugsað verður um líkskapin millum tann natúrliga og tann mannskapta fuglin. Og nógv hildu tað vera tann eyðsýndasta møguleikan, segði Jonhard Mikkelsen í røðuni, sum hann helt í hangarinum fyrr í dag, tá nøvnini skuldu kunngerast.

 

- Blómuheitini vóru nógv – her var stórt úrval av vøkrum føroyskum plantunøvnum. Summi teirra við ávísum súmbolskum týdningi. So komu øll tey norrønu nøvnini fyri, gudar og gyðjur og jatnar og teirra heimar. Men hini Norðurlondini hava brúkt øll hesi nøvn so leingi í so mongum samanheingi, at vit hildu, at tey kunnu bara eiga tey.

 

Jonhard sigur at enda:

 

- Síðan koma vit til ein bólk, sum er stórur – tað eru navnfram fólk, úrmælingar, sum stinga seg burtur úr rúgvuni.

 

Orsøkin til, hví júst hesin bólkurin varð valdur, er tí at vit í Føroyum eiga nógv fólk, ið hava gjørt mun í føroyska samfelagnum, og øll nøvnini eru tengd at ávísum økjum, ávísum pørtum av landinum og ávísum tíðarskeiðum.

 

Nøvnini verða kunngjørd

Tá løtan so endiliga kom til, at nøvnini skuldu avdúkast, vóru øll sum á nálum.

 

- Og so er løtan komin at avdúka nøvnini:

Flogfarið, sum vit allir føroyingar hava fingið í dag, nevnist: William

Annað flogfarið eitur: Elinborg

Triðja flogfarið eitur: Ingálvur

 

Tær báðar tyrlurnar hava fingið nøvnini:

Sámal og Ruth

Síðani endaði Jonhard Mikkelsen við at fortelja, hvørjir teir hepnu vinnararnir vóru

- og hepnu vinnararnir eru:

Alvin Joensen, Heri Nolsøe, Kinna Poulsen og Páll Oddur Rubeksen.

 

Einki av teimum uppskotunum frá vinnarunum høvdu øll 5 nøvnini í sær, so valt var at velja fleiri vinnarar. Tey fingu hvør í sær tveir ferðaseðlar á rutunetinum, og 3.000 krónur hvør.

 


Mynd av flogførunum, tyrlunum og nøvnum teirra

 

 

 

 

Nøkur ráð til tín, ið nýtir ov nógvar pengar Einki er so gott sum kenslan, vit fáa, tá lønin kemur. Vit kunnu fara á café, shoppa, spontanar túrar í býin og ikki minst keypa í kantinuni í skúlanum. Men tann ringasta kenslan er, tá kontoin er á null. Mánaðurin er hálvrunnin, og tað eru eini tíggju dagar til næsta lønin kemur, og ætlanirnar, vit høvdu fyri framman, fara til einkis
Michelinstjørna? Hvat er tað? Vit hava fingið fyrstu Michelinstjørnuna í morgun. Men veitst tú akkurát, hvat tað merkir? Vit hava lisið uppá
Íslendski forsetin vil steðga ananas á pitsa Íslendski forsetin vil vera við, at ananas ikki hoyrir heima á eini pitsa. Hann fer enntá so langt, at hann sigur seg stuðla einum banni
Kurt Cobain 50 ár í dag 90’ara andlitið hjá lægra miðalklassanum og fortalarin fyri allar ørkymlaðar og misskiltar tannáringar seinastu 20 árini hevði í dag fylt 50 ár, og vit minnast hann kring allan heimin
Fastalávint í býnum Lív í býnum, reyðar linsur í eygunum og ókeypis atgongd til ymsu klubbarnar, um tú ert í grýlubúna. Skjótt er aftur fastalávint í býnum, men hvat skal man finna uppá at vera í ár?