Øl og vín út í handlarnar?
Í gjár høvdu ung fyri miðflokkin eitt tiltak í Perluni. Tiltakið gekk út uppá at varpa ljós á kjakið um at broyta rúsdrekkalógina, t.v.s at fáa rúsdrekka út í handlarnar. Pál Weihe helt fyrilestur um fyrimunir og vansar av hesari broytingini, og síðani kjakaðust Bill Justinussen, Kaj Leo Johannesen, Ruth Vang og Jørgen Niclasen um møguligu broytingina av rúsdrekkalógini
10.01.2017 - 16:45

Skrivað hevur: Sólveig Á Torvlaðnum

 

Aksel Berg, formaður í Ung fyri Miðflokkin.

 

Ung fyri Miðflokkin hava áður havt tiltøk sum hesi, men hesuferð var undirtøkan nógv betri enn væntað. Tey royna at hava faklig og lærurík tiltøk um evnir, sum fólk eru áhugað í og samstundis eru týdningarmikil. Aksel Berg sigur, at tað er ringt at fáa politikararnar at koma, og tí vóru allir flokkarnir ikki umboðaðir til kjakið. Hann sigur eisini, at allir flokkarnir ikki hava eina samlaða meining um hetta, og tí takkaðu nøkur nei. Tey valdu at hava eitt kjak ímillum ungmannafeløg, av tí at tey halda, at teir vaksnu politikkararnir hava meira innlit í evninum, og at tað eisini er áhugavert at hoyra móðurflokkalimir kjakast um slík evni. Móðurflokkarnir og ungmannafeløgini eru heldur ikki altíð samd um hesi evnini. 

 

 


William Bærentsen, 2. s í Hoydølum.

 

- Eg haldi, at rúsdrekka skal út í handlarnar, bæði veikt og sterkt. Eg havi nóg nógv álit á fólkinum til at stýra sínari egnu nýstlu av rúsdrekka. Eisini haldi eg, at prísurin vildi verið betur stýrdur av eftirspurningi og úboði, heldur enn fíggjarlógini og øðrum krøvum hjá Rúsuni. 

 

 


Jóhanna Lützen, 3. s í Hoydølum.

 

- Eg haldi ikki, at rúsdrekka skal út í handlarnar. Um allir handlarnir høvdu selt rúsdrekka, so hevði úrvalið ikki verið nakað serligt. Men eftirsum, at man hevur eitt sort stað, har tey selja nógv ymisk sløg, so fáa tey meira burturúr. Tað er so lætt at fáa fatur á rúsdrekka, hvat er munurin á, at fara í Rúsuna ella í Bónus?

 

 

Hoyrið fleiri meiningar um evnið í RøddinLive fríggjakvøldið klokkan 20!

 

 
 

 

 

Video: HM á trappuni HM er byrjað, og fleiri fólk leita sær oman í Vágsbotn at hyggja. Men hvørjum halda tey við, og ætla tey sær eisini at hyggja eftir HM hjá kvinnum?
ShimaCon 2018: Føroya einasta 'nørda' stevna Shimacon er Føroya einasta stevna fyri tey, ið dáma anime/manga, kortspøl, cosplay, telduspøl og alt 'nørdut'
Nýggjur tónleikur frá Páll Finnur Páll Hoyr nýggjasta sangin her
Klumma: At vera ósamd um fosturtøku Lær teg at lurta, so lurta fólk eftir tær
Konnisa chill Konni Kass hevur gjørt okkum ein playlista við nøkrum av hennara yndisløgum!