hoydalar.fo
hoydalar.fo
Næmingar í Hoydølum: - Hetta er fúl skomm!
Næmingarnir úr 2. s í Hoydølum eru alt annað enn nøgdir við tilgongdina til námsferðina - Herleif Hammer, rektari, vísir klagunum aftur
11. januar 2017

 

 

 

 

Næmingaráðið í Hoydølum legði í gjár skriv út um, hvussu ónøgdir næmingarnir í 2. s eru um, at teir verða sendir til Íslands uttan teirra samtykki. Skrivið byrjar soleiðis: "Vit úr Næmingaráðnum eru øll samd um, at tilgongdin til námsferðina hjá 2. s er fúl skomm frá skúlans síðu." Næmingarnir meta, at mismunur verður gjørdur millum árgangirnar, av tí at tey ikki hava fingið møguleikan at ávirka, hvar leiðin skal ganga á helst minnisríkastu uttanlandsferð nakrantíð.  


Ársins 2. árs næmingar kunnu nú gera, sum teir vilja, men avgerðin er langt síðani tikin; 1. mai gongur leiðin til Íslands. 


Rektarin í Studentaskúlanum, Herleif Hammer, metir ikki, at hetta er at gera mismun millum árgangirnar. 


- Tað eru summi viðurskifti, sum broytast viðhvørt, og tað bar ikki so væl til at fáa nakað samstarv við nakað flogfelag hesuferð, tað var simpulthen for trupult og for dýrt. Tá tað ikki bar til at fáa tey avstað við flogfari, so er bara Norrøna eftir, sigur Herleif.


Hetta er ikki fyrstu ferð, at næmingar eru ónøgdir við tilgongdina til sína námsferð. Síðsta ár var sama skilið, tá næmingarnir í 2. s, sum nú ganga í 3. s, skuldu á námsferð. Tey fingu brádliga at vita, at allur árgangurin skuldi til Íslands. Henda avgerðin var, eins og í ár, ikki noktandi, so næmingarnir gjørdu stóran uppreistur, har teir m.a. savnaðu undirskriftir og trappustreykaðu. Til endans fingu tey so nøkur alternativ, har Amsterdam bleiv endaliga ferðamálið.

 

Íðan, hví kunnu ársins 2. árs næmingar ikki eisini fara til Amsterdam?

 

- Á túrinum í fjør til Amsterdam varð øgiliga nógv tíð brúkt uppá transport, og tað vóru hvørki næmingar ella lærarar nøgdir við, sigur Herleif. 

 

Hann leggur afturat, at næmingarnir í ár fara at fáa eina munandi longri ferð, og at teir hóast alt sjálvir sleppa at mynda ferðina. 

 

- Jú, nógv av teimum hava verið í Íslandi, men tað er 100 % sikkurt, at tey koma at uppliva Ísland uppá ein annan máta, enn hvat tey nú einaferð hava roynt. Og ja, tú kanst siga "bad luck", men hetta er eitt gott alternativ í mun til ikki at fara nakrastaðni. 


Herleif leggur dent á, at námsferðin er eitt tilboð til næmingarnar, har teir kunnu fáa undirvísing í nakrar dagar, og tað eru tvær orsøkir til at fara á námsferð, nevniliga at samansjóða flokkarnar og at fáa okkurt fakligt burturúr.
 

- Tað er púra frívilligt at fara, og um tey ikki hava hug at fara, so mugu tey melda avboð.


 

Kunningarfundur verður í næstu viku, har Herleif fer at greiða øllum í 2. s frá støðuni.

 

 

 

Nøkur ráð til tín, ið nýtir ov nógvar pengar Einki er so gott sum kenslan, vit fáa, tá lønin kemur. Vit kunnu fara á café, shoppa, spontanar túrar í býin og ikki minst keypa í kantinuni í skúlanum. Men tann ringasta kenslan er, tá kontoin er á null. Mánaðurin er hálvrunnin, og tað eru eini tíggju dagar til næsta lønin kemur, og ætlanirnar, vit høvdu fyri framman, fara til einkis
Michelinstjørna? Hvat er tað? Vit hava fingið fyrstu Michelinstjørnuna í morgun. Men veitst tú akkurát, hvat tað merkir? Vit hava lisið uppá
Íslendski forsetin vil steðga ananas á pitsa Íslendski forsetin vil vera við, at ananas ikki hoyrir heima á eini pitsa. Hann fer enntá so langt, at hann sigur seg stuðla einum banni
Kurt Cobain 50 ár í dag 90’ara andlitið hjá lægra miðalklassanum og fortalarin fyri allar ørkymlaðar og misskiltar tannáringar seinastu 20 árini hevði í dag fylt 50 ár, og vit minnast hann kring allan heimin
Fastalávint í býnum Lív í býnum, reyðar linsur í eygunum og ókeypis atgongd til ymsu klubbarnar, um tú ert í grýlubúna. Skjótt er aftur fastalávint í býnum, men hvat skal man finna uppá at vera í ár?