Mynd: fh.fo
Umhugsar tú at søkja inn á Handilsskúlan?
- Tá tú kemur til annað og serliga triðja árið, so hongur alt saman, og tú fert at hugsa "Ahha, sjálvandi", sigur 20 ára gamli Julian Thomsen
14.03.2017 - 15:30

Handilsskúlin bjóðar eitt fjølbroytt úrval av útbúgvingum til ung, vaksin og til fyritøkur. Hóast útbúgvingarnar eru ymiskar, so snúgva tær seg allar um handil, búskap og KT á ymsan hátt. Harafturat verður dentur lagdur á bæði mál og altjóða viðurskifti.

 

Ein av teimum, ið gongur á Handilsskúlanum við Marknagil, er 20 ára gamli Julian Thomsen, sum er í ferð við at lúka triðja og seinasta árið á búskaparbreytini. Honum dámar serliga væl støddfrøði og at arbeiða við tølum sum heild, og av tí sama er búskaparbreytin akkurát nakað fyri hann. 

 

- Eg visti ikki nakað serligt um summi av fakunum, tá eg byrjaði, men eg havi bara góð ting at siga um búskaparligu fakini. Undirvísingin er løgd væl til rættis, og allir lærarar duga væl at læra frá sær. Eg eri sera glaður fyri, at eg valdi Handilsskúlan fram um aðrar skúlar. 

 

Julian leggur afturat, at ein vanligur dagur á Handilsskúlanum er ikki nógv øðrvísi enn á øðrum skúlum, hann hevur gingið á. Skúlagongdin er sjálvandi skipað øðrvísi, men fríkorterini verða brúkt í sofunum, og um ein er so heppin at hava fríblokk, so ber væl til at gera lektiur ella at fara heim at sova. 

 

- Tað sosiala á skúlanum rættiliga er gott, serliga tí tað ikki eru ov nógvir næmingar á skúlanum, so man kennir onkursvegna nærmast øll, og allir næmingar og lærarar eru í sama bygningi, sum eisini ger, at man sær hvønn annan dagliga. 

 

Her er eitt gott ráð frá Julian til tín, sum ætlar at søkja inn á Handilsskúlan:

 

- Tað kann virka ørkymlandi og geva lítla meining í byrjanini, men tá tú kemur til annað og serliga triðja árið, so hongur alt saman, og tú fert at hugsa "Ahha, sjálvandi", og tá veksur kópakenslan.

 
 

 

 

-Eg føldi meg feita á pallinum Hvat hendir við luttakarunum, tá ein fitness kapping er liðug? Jessica Hallursdóttir fekk etingarólag aftaná hon hevði verið við í Fitness Føroyar....
Klumma: Vit hava øll okkurt í felag, hóast vit eru úr heilt hvør sínum heimi Ulla hevur skrivað um pappmammu sina, sum kemur úr Ghana. Um at læra eina nýggja mentan at kenna, og hvussu gávuríkt tað kann vera at fáa eitt "...
Hoyrir tú “Yanny” ella “Laurel”? Eitt stórt kjak er á netinum. Eingin er samdur um, hvat verður sagt í einari stuttari ljóðfílu. Onkur heldur, at røddin sigur “Yanny” og onnur eru...
3 skemtibrúkarar, tú burdi fylgt Á sosialu miðlunum er ein kollvelting innanfyri føroyskt skemt.
Lurtaratøl hjá Beyoncé eru følsk 15 dagar aftaná at fløgan ”Lemonade” kom út, varð kunngjørt at hon var spæld 306 milliónir ferðir. Men var tað fake news?