Gorillaz venda sterkt aftur
Multi platin-plátu seljandi bólkurin er vendir aftur og hevur givið 4 stakløg út umframt at hava kunngjørt nýggju fløguna Humanz, sum kemur út í apríl
27.03.2017 - 21:00

Tú kennir tey frá sangum sum Clint Eastwood og Feel Good Inc., og nú vendir virtuelli bólkurin aftur aftaná næstan 6 ár av fullkomnum friði. Fríggjadagin góvu tey fýra støkløg út við tilhoyrandi videoløgum, og leygardagin framførdu tey fyri fyrstu ferð nýggju fløguna “Humanz” í fullari longd.


Fyri nógv eru Gorillaz nakað heilt serligt, ein bólkur, sum bara ikki dugir at gera tað sama tingið tvær ferðir, og við sínum sermerkta tónleiki, sum næstan ikki kann básast og sínum heilt serliga listarliga úttrykki í videoløgum og øðrum, eru tey ein bólkur, tú aldrin gloymir aftur. Og nýggja fløgan sær út til at vera heilt ógloymandi á sama hátt.


Sangirnir eru sera ymiskir, men mest gjøgnumgangandi er, at teir eru sterkt ávirkaðir av eitt nú hiphop og elektronika, men eisini svinga yvir í tann bleyta, meira vaporwave kenda elektro tónleikin. Eitt nú er sangurin Saturnz Barz lagdur á eitt tungt beat, og featuring artisturin Popcaan stýrir sanginum við sínum jamaikanska creole rappi við lítlari uppíblandan frá Gorillaz sangaranum 2D. Til hendan sangin hava tey gjørt eitt 360 videolag, sum tú kanst síggja í Virtual Reality brillum, og tað kann bara viðmælast at uppliva sangin soleiðis. Tó, í hinari grøvini er sangurin We Got The Power, við gestasangara Jehnny Beth úr Savages, sum næstan bara kann lýsast sum ein 80'ara pop sangur á MDMA uppá tann feita mátan.

 

28. apríl kemur fløgan út, og gleðir tú teg at hoyra alt tað, hon hevur at bjóða uppá, fært tú bílagt hana á heimasíðuni hjá bólkinum, www.gorillaz.com.

 

Hoyr sangin Saturnz Barz her:

 

 

 
 

 

 

Hevði tú yvirlivað G! festivalin í einum pappkassa? Til G! festivalin 2018 bar til at keypa sær papptjald í staðin fyri eitt vanligt. Barbara Dahl McBirnie keypti saman við vinkonuni eitt papptjald
Hvat gongur fyri seg á screwgonguni á G! Tað var gott lag í Gøtuí dag, 13.juli 2018, kl. 16.00. Dansur, róp, sangur, hugnaligt prát og glaðir festival gestir fylti vegin millum Norðagøtu og...
Ymsar meiningar um høvuðsnavnið á G! Rag’n’Bone Man er høvuðsnavnið á G! Festivalinum 2018. Í gjár, 11 juli spældi hann á sandinum. Røddin hevur verið og spurt, hvat tey á teltøkinum...
Mikudagur á G! Í gjár byrjaði ársins G!-festivalur. Lagið var gott, og nógv fólk vóru møtt til fótbólt, tónleik og hugna. Til hálvfinaluna millum Ongland og Kroatia...
Mikudagur á G!