Playlistin: Fríði Djurhuus
Tjekka playlistan hjá Fríða út!
15.06.2017 - 17:35

Hesa ferð er tað 23 ára gamli Fríði Djurhuus, sum fer at deila sín playlista við hetinum “Hatur og vónloysi”. Fríði lesur søgu á Setrinum og er við í tungmálm bólkinum Iron Lungs. Hann vil vera við, at playlistin er ein blanding av myrkum sangum av ymsum stílum, so sum black metal, noise, soul, sum ikki fara yvir í tað totalt aggressiva, men hava við aðrar keðiligar kenslur at gera.

 

- Eg gjørdi hendan playlistan, tí eg hevði ikki funnið nakran, ið fokuseraði á tær somu kenslurnar og allíkavæl brúkti tónleik frá ymsum stílum. Eg helt, at heitið “Hatur og vónloysi” var stuttliga yvirdrivið, og tað lýsti huglagið á playlistanum nokk so væl, sigur Fríði.

 

 

- Eg vildi sagt, at eg lurti mest eftir tónleiki, sum kann kategoriserast sum punk ella tungmálm, men sum flest onnur fólk, so lurti eg eftir “øllum” stílum. Eg trúgvi, at allir stílar hava okkurt gott (eisini country). Í seinastuni havi eg lurtað nógv eftir $uicideboy$, Cigarettes After Sex, Kendrick Lamar og Atari Teenage Riot.

 

Fríði fær íblástur til tónleik ymsastaðni frá, men mest frá ummælarum, serliga The Needle Drop á YouTube. Eisini frá playlistum á Spotify og annars frá at tosa við fólk um tónleik.

 

- Mær dámar væl at fáa íblástur frá øðrum fólki, sjálvt um teirra stílur er sera øðrvísi frá mínum, tí eg haldi, at øll hava okkurt spennandi, sum tey lurta eftir, sum eg ikki havi hoyrt fyrr.

 

 
 

 

 

Adventskalendarin: Míni amerikansku jól Jólini eru ikki heilt tey, mann sær í sjónvarpinum
Er lítil undirtøka til vakurleikakappingar ein javnstøðuspurningur? Eru ungar føroyskar kvinnur kúgaðar undir avoldaðum samfelagsnormum, ella eru aðrar orsøkir aftanfyri lága luttakaratalið til „Miss Faroe Islands“?
Interview við Moddi Moddi hevur verið á drúgvari konsertferð og endaði ferðina í Føroyum. Hann greiðir frá konsertferðini, og prátar um alt frá verkætlan hansara til hálvtrýss ára gamlar konur.
Snarskeið í at skriva BV3 Stress, stress og meira stress
Klumma: Eri eg ein pisa, ið ongantíð fer á flog? Eg eri takknemlig, eg eri glað, og eg vildi ikki havt tað á ein øðrvísi hátt. Men tað vilja øll hini.