Mynd: G! festival
Viljað sloppið at spælt á G! í 10 ár
Vit fingu orð á danirnar handan bólkin Suspekt, ið langt um leingi sluppu at spæla á festivali í Føroyum
15.07.2017 - 18:36

Skrivað hevur Tóra í Stórustovu

 

Friggjakvøldið leveraðu danirnir handan bólkin Suspekt eina feita, lívliga og nokk so NSFW konsert á Gøtusandi. Vit fingu orð á teir tveir rappararnar Emil Simonsen og Andreas Bai Duelund beint eftir konsertina.

 

 

Verið her fyrr

Hetta var ikki fyrstu ferð, Suspekt spældu í Føroyum. Í 2008 spældu teir í einum diskoteki í Havn. Hetta, søgdu teir, var nakað heilt annað.

 

- Hetta umhvørvið, altso, har er einki feitari. Eg trúgvi ikki, at har er ein vakrari festivalur at spæla á í øllum heiminum, segði Emil Simonsen, ein av rapparunum í bólkinum.

 

 

Hildu sær frá, at ikki steðga á til framførsluna

Vakra útsýnið frá sandinum gjørdi vaksnu mannfólkini frá Suspekt púra málleysar. Teir vildu vera við, at tað ikki kom fyri serliga ofta.

 

- Vit tosaðu um tað beint eftir konsertina, vit høvdu hug at steðga á allatíð fyri at hyggja at umhvørvinum. Fjøllunum, sjónum, øllum. So hugsaðu vit, at fyri áskoðararnar er hetta gerandiskostur, og at teir nokk høvdu skitið á tað, flentu teir.

 

- Halló, altso, vit koma frá heimsins flatasta landið, ljóðaði tað frá Andreas Bai Duelund.

 

 

Greinin heldur fram undir myndini ...

 

 

Fingu ikki upplivað tað stóra

Suspekt og teirra stóra manning komu til Føroya hósdag og flugu longu heim aftur fríggjadag, fáar tímar eftir konsertina. Av tí sama fingu teir ikki upplivað tað stóra av landinum.

 

- Vit hava verið øgiliga, øgiliga fullir, segði Emil skemtandi, vit hava etið skerpikjøt, grind, spik og rullipylsu sum timburmannamat, segði Andreas.

 

 

Bønað og biddað um at spælt á G! í tíggju ár

Mitt í konsertini fingu teir nevnt, at teir høvdu bønað og biddað um at spælt á G! í meir enn tíggju ár.

 

- Vit hava sæð myndir frá okkara vinfólkum, ið hava spælt her. Tað sá pissi feitt út, og sjálvandi vildu vit eisini sleppa her upp at spæla. Tað er líkasum okkara einasti lítli kjansur at føla okkum sum verðinsstjørnur. Hatta har við at fara umborð á flogfør og flúgva til eitt annað land, tað er ikki nakað vit uppliva vanligt. Um vit ferðast "langt" í Danmark, ja, tað er eini 5/6 tímar við bussi. So at taka flogfar til eitt annað land, og so skilja tey okkum her eisini, tað er svakt, segði Emil.

 

- Ja, tað var ringt at stýra gleðini og spentleikanum umborð á flogfarinum, legði Andreas afturat.

 

 

Greinin heldur fram undir myndini ... 

 

 

Vilja sleppa aftur næsta ár

Teir báðir rappararnir vistu als ikki, at teir høvdu fjepparar í Føroyum. Tað, at fólk í útlandinum sungu við til teirra sangir, lýstu teir sum nakað heilt stórt.

 

- Um vit kundu komið aftur næsta ár hevði tað verið heilt sjúkt. Kunnu vit ikki gera tað til eina siðvenju? Um fyriskipararnir á G! lesa hetta: kunnu vit ikki gera tað til eina siðvenju?, segði Emil Simonsen at enda.

 
 

 

 

- Eg sovni nokk ikki í nátt Steypafinalurnar í flogbólti eru í høllini á Hálsi um vikuskiftið. Røddin tosar við Hildu Bolstad Mortensen, sum skal spæla tríggjar steypafinalur
Voxpop: Tey ungu og Instagram Hoyr tey ungu greiða frá um, hvat tey brúka Instagram til, um pressi at leggja eina mynd út, er nær er hon " Instaworthy?", og um týdningin av likes og sjálv image.
Podcast: Filmurin við tí stytsta plottinum nakrantíð Hvussu ger man ein film upp á 48 tímar, tá man hevur eina larmandi divalampu á settinum?
Hvør er besta venjingarmiðstøðin í Havn? Eftir at hava ummælt tær fýra venjingarmiðstøðirnar í Havn, so er tíðin komin til at finna mín persónliga vinnara.
-Tað er fantastiskt at klintra Hendur og spengur eru spentar. Fingrarnir eru krøktir í veggin. Allur kroppurin arbeiðir saman um at klintra eftir vegginum fram ímóti málinum. At náa toppin. Soleiðis kann klintring kennast