Stílurin: Lydia Sólheim
- eg vildi sagt, at stílurin hjá mær er summarsligur alt árið runt
18.08.2017 - 10:53

Silvia Súnadóttir Kristiansen hevur tikið myndirnar

 

Hesa ferð er tað 19 ára gamla Lydia Sólheim, sum gongur á triðja árið í Hoydølum, sum er við í stílurin. Hennara stílur er sera litfagur og summarsligur, sum mann ikki sær ofta í Føroyum.

 

- Eg vildi sagt, at stílurin hjá mær er summarsligur alt árið runt og rættliga femininur. Mær dámar væl ljósar litir og felli altíð fyri blómumynstrum.

 

Hon fær íblástur frá øðrum gentum, sum hon sær í bussinum ella á gøtuni, sum fáa hana at hugsa: "Hetta vil eg keypa!". Hon gongur ikki upp í merkivørur, men heldur hvussu vøran er framleidd. Hon leggur serligan dent á at vera meira tilvitað um tað, hon keypir.

 

- Eg vil heldur gjalda eitt sindur eyka fyri, at klæðini ikki eru framleidd av børnum, ella yvirhøvur undir ómenniskjaligum umstøðum. Tað er verri, enn mann heldur, men vónandi fer tað at ganga rætta veg komandi árini og gerast lættari at keypa klæðir við góðari samvitsku.

 

Sjálvt um Lydia ikki gongur so høgt uppí hennara klæðir, so dámar henni væl at gera eitt sindur burturúr, tí at hon tímir betur at vera saman við fólki, um hon kennir seg væl í tí, sum hon er í.

 

 
 

 

 

Tónleikur er ein roynd at skapa kosmos í kaos Dagligdagurin kann vera kaotiskur. Onkuntíð kann tað vera ringt at finna meiningina við tilveruni. Tá vendir Lea seg til tónleikin
Kom við Røddini á P40 "List virkar sum ein distraktión, ið gevur eygunum okkurt at tyggja á"
Tí er ítróttur týdningarmikil fyri teg 7 fyrimunir fyri tína sálarligu heilsu, ið koma av at vera kropsliga aktivur
Hvussu ávirka sosialir miðlar okkara sálarligu heilsu? Les um, hví sosialir miðlar eru vandamiklir fyri okkara sálarligu heilsu
Ein ósjónlig sjúka: Tunglyndi Vit hoyra ofta orðið ‘Tunglyndi’, ella á enskum, ‘depression’, men hvat merkir tað?