Arbeiðslív: Smakka
Eir Pálsdóttir, ið er 18 ára gomul og gongur í 2.s greiðir frá um starv sítt í Smakka
28.08.2017 - 16:42

Skrivað hevur Anita Hermansdóttir Eidesgaard

 

Eir arbeiðir í Smakka, sum er ein café inni í Norðurlandahúsinum. Hon hevur ikki fastar vaktir, men fær tó altíð millum 10-15 tímar um vikuna. Tað heldur hon er deiligt, av tí at hon gongur í 2.s í Hoydølum og tískil brúkar nógva tíð og orku til skúlatingini. Eisini fer nógv tíð til vinfólk og familju, so alt gongur akkurát upp.

 



Hon fortelur, at tað inniber nógv at arbeiða í Smakka. Ein skal helst duga at gera gott kaffi. Altso Café Latte, Cappucino, Cortado og slíkt. Eisini er man á góðari leið, um man dugir at baka og gera mat. Tað er sjálvandi eisini týdningarmikið at vita, hvat tilfar er í matinum. Hetta, tí at ofta eru fólk, ið eru ovurviðkvom, ið koma niðan at eta, sigur Eir. Tí kunnu vit eisini hjálpa í tí føri.


Eir hevur arbeitt í Smakka í yvir 2 ár nú og sigur, at hetta er heilt víst nakað, sum henni dámar væl. Hon hevur ikki ætlanir um at broyta arbeiði í nærmastu framtíð. Tað, sum Eir dámar best, er, at hon veitir sær nógva vitan innan heilsugóðan mat, og at hon hevur so fittar starvsfelagar.


Eir heldur ikki, at tað eru nøkur serlig krøv sett til starvsfólkini. Sjálvandi veit hon, at tað er eitt pluss, um ein er smílandi og blíður við kundarnar. Kanska serliga eitt pluss, at man sær hampiligur út, tí vit koma í kontakt við matin, sum onnur skulu eta.


Eir ætlar sær at halda á at arbeiða í Smakka, tí tað passar so mikið væl inn í hennara viku-skema. Tó ætlar hon ikki at arbeiða her alt sítt lív, men tá tað er nakað, ið passar so mikið væl, so sær hon onga orsøk at fara frá.

 
 

 

 

- Føroyingar hava ein góðan kjans ímóti restini av verðini - Eg fari heim at feiðra hetta við einum stórum posa av bommi
- Eg havi nærum einki etið seinastu 24 tímarnar Burn Showdown verður í vikuskiftinum 17. og 18. november. Í gjárkvøldið skuldu allir luttakararnir vigast
- Ja til lívið, ja til at vaksa Ummæli av dansisýningini “Wisdom from the roots” í Norðurlandahúsinum 14. november. Ein áhugaverd vinkling av norrønu gudalæruni, men við einum ov seinum tempoi til at fanga málbólkin, “zappara generatiónin”
Lærarar eru púra samdir í trappustreykuni Trappustreykan í Hoydølum hevur hildið á í yvir ein tíma. Næmingarnir standa saman og syngja, rópa og gera alt fyri at fáa sítt mál fram
Føroysku grastekjurnar eru perfektar til eplaveltu Urban Garden er eitt rák, sum ger um seg í útlandinum. Tankin er at skapa eina oasu í einum tætt bygdum øki