Kom við Røddini á Glasir
Her fara studentaskúlanæmingar í Havn vónandi at ganga í skúla í 2018
02.10.2017 - 10:39

Tikið myndir og filmað: Hanna Davidsen

 

Í vikuskiftinum skipaði Arkitektafelag Føroya fyri Arkitekturardøgum 2017, og har var møguligt at vitja nýggja miðnámsskúlan Glasir í Marknagili. Røddin var sjálvandi til staðar at taka myndir og video.

 

 

Eftir ætlan verður liðugt við skúlaársbyrjan 2018, og í løtuni eru fólk og arbeiða 24/7 fyri at tryggja, at hendan tíðarætlanin heldur. Tá skúlin er liðugur, fara studentaskúli, handilsskúli og tekniskiskúli allir at húsast undir einum taki; einir 1300 næmingar og umleið 200 lærarar.

 

Planurin fyri allar hæddirnar.

 

 

Bygningurin hevur eitt serligt skap, ið minnir eitt sindur um nýggja BankNordik. Hetta serstaka skap er allarhelst partur av orsøkini til, at skúlin fer at kosta umleið hálva milliard.

 

Takið í miðjuni er av sama tilfari sum tað í BankNordik bygninginum, og hetta ger, at tað er ógviliga ljóst, men hetta elvir eisini til, at tað fer at larma, tá tað regnar. Landsverk lovar tó, at larmurin ikki fer at hoyrast inni í skúlastovunum. Har verður næstan bara betong og stál nýtt í byggingini, og har verða terassur á øllum hæddunum.

 

 

HOYR REGNIÐ:

 

 

 

 

 

Soleiðis síggja skúlastovurnar út. Tær eru allar áleið 64 fermetrar, ið er yvir miðal í Føroyum, men tær síggja eitt sindur lítar út. Tað gera tóm rúm altíð. Upprunaliga skuldu tær vera 72 fermetrar, men tað bleiv spart burtur.

 

Sum sæst á bygninginum eru nakrar lonir, ið hanga í leysari luft. Tað ger t.d. ein av fysikstovunum, men tað merkti mann slett ikki. Maðurin frá Landsverki greiddi frá, at í ódnini á jólum í fjør merktiskt einki til sveiggj ella nakað, og hetta var áðrenn tann lonin var liðugt bygd, so tað er enn og tryggari nú.

 

 

Mitt í Glasi verður stórt atrium, ið fer at virka sum samkomuhøll. Har verður stór trappa, ið fer at minna eitt sindur um hana í Vágsbotni. Trappan fer bæði at virka sum trappa og uppihaldsstað, har verða dupulttrin, ið gera at mann eisini kann sita har.


Fleiri arkitektoniskar myndir av Glasi kunnu síggjast her.

 

 
 

 

 

Er lítil undirtøka til vakurleikakappingar ein javnstøðuspurningur? Eru ungar føroyskar kvinnur kúgaðar undir avoldaðum samfelagsnormum, ella eru aðrar orsøkir aftanfyri lága luttakaratalið til „Miss Faroe Islands“?
Interview við Moddi Moddi hevur verið á drúgvari konsertferð og endaði ferðina í Føroyum. Hann greiðir frá konsertferðini, og prátar um alt frá verkætlan hansara til hálvtrýss ára gamlar konur.
Snarskeið í at skriva BV3 Stress, stress og meira stress
Klumma: Eri eg ein pisa, ið ongantíð fer á flog? Eg eri takknemlig, eg eri glað, og eg vildi ikki havt tað á ein øðrvísi hátt. Men tað vilja øll hini.
Bitcoin fyri býttlingar Eitt gott tip hevði verði at keypt sær Bitcoin fyri nøkur oyru í dag aðrenn tað er forseint, men sjálvandi bara nýt pening, ið tú er klár/ur at missa.