Transkynd vunnið stórsigur í Virginia
- Til ein og hvønn... ...ið hevur havt tørv á onkrum at svara fyri seg, tá tey ikki høvdu áræði sjálvi… Hetta er til tykkum
09.11.2017 - 22:20

Skrivað hevur Birita Matras Petersen

 

Týskvøldið vann demokraturin Danica Roem á konservativa republikanaranum Bob Marshall í Virginia. Hóast hetta ikki er fyrsti transkyndi limur í amerikanska lóggávutinginum, er Danica Roem fyrsti opni transkyndi limur í amerikanskari søgu.

 

73 ára gamli Bob Marshall hevur frammanundan tikið undir við einum lógaruppskoti, ið hevði skert rættindini hjá transkyndum viðvíkjandi vesi.

 

Ígjøgnum valstríðið var Danica Roem opin um kynsliga samleika sín, men segði, at hetta ynskti hon ikki at seta í brennidepil. Heldur ynskti hon at leggja dent á arbeiði, skúlar og serliga ferðslutøpp.

 

Valstríðið millum Danica Roem og Bob Marshall, ið noktaði at viðurkenna hana sum kvinnu, hevur vakt altjóða ans.

 

Tá stríðið var av, og hon hevði vunnið týðiligan sigur, bar hon boðskap út til eldhugaðu fjøldina:

 

- Til ein og hvønn, ið hevur skarað framúr, ið hevur verið stigmatiseraður, ið hevur verið útihýstur, ið hevur verið uttan fyri fjøldina, ið hevur havt tørv á onkrum at svara fyri seg, tá tey ikki høvdu áræði sjálvi… Hetta er til tykkum.

 

Keldur: www.nbcnews.com og www.independent.co.uk

 
 

 

 

Kropsfatanistar - Vit mugu bróta eitt tabu Tað er nógv ting vit tosa lítið um og so er tað summi ting vit slett ikki tosa um. Her hevur Røddin gjørt samrøðu við Signhild og Sunnvá sum á...
Yvirlit: tiltøk, konsertir og sjónleikir næstu tíðina
Føroyskir skiftisnæmingar - dreymurin um tí stóru verð
Alt tú skalt vita, áðrenn tú byrjar miðnám Tíðin er komin har gamlir vanar vera lagdir til síðis og alt broytist.
Video: Magnus fer sunnudagin til Portugal at sparka fótbólt 18 ára gamli Magnus Holm, sum hevur gjørt um seg bæði á ungdóms landsliðinum og besta liðnum hjá B36, tekur nú næsta stigið í hansara fótbóltskarieru...