- Eg havi nærum einki etið seinastu 24 tímarnar

Journalistur: Katrin Joensen-Næs

Millum luttakararnar vóru Geir Thomsen og Christian Christiansen, sum báðir skulu umboða Føroyar í boksing til Showdown. Afturat teimum eru teir donsku boksararnir júst lendir í Føroyum, og allir lurttakararnir vigaðu inn saman, dagin fyri kappingina.

Íðkararnir hava vant hart í fleiri vikur upp undir kappingina. Christian sigur um venjingina:

- Vit hava boksað nógv. Serliga nógv konditiónsvenjing, sum er ræðuliga týdningarmikil í boksing. Afturat tí eru vektklassar í boksing. So nógv arbeiði er eisini lagt í at koma niður í vekt. Tað hevur verið hart.

Geir sigur frá um síðsta samdøgrið:

- Síðstu 24 tímarnar svøltar man seg sjálvan. Eg havi nærum einki etið ella drukkið í allan dag, tí eg mátti vera sikkur uppá, at eg fór at klára vektina.