Jólaplaylistin hjá Røddini
Eru tit klár til jólatónleik 24/7?
01.12.2017 - 14:55

 

 

Endiliga bleiv tað 1. desember, so nú er tað veruliga lov at lurta eftir jólatónleiki! 

 

So hvat er meira passandi at leggja út í dag, enn ein jólaplaylista við tí allarbesta jólatónleikinum?

 

Á playlistanum eru sangir, sum vit á redaktiónini dáma sera væl, og sum veruliga fáa okkum í jólahýr.

 

Teir flestu sangirnir minna okkum á góðar og hugnaligar tíðir saman við familju og vinfólki. Og sjálvandi eru eisini nakrir sangir, ið eru góðir at syngja við til. Eitt nú "All I Want for Christmas is You" hjá Mariah Carey og "Last Christmas" hjá Wham! 

 

Ein av okkara skribentum, Birita Matras Petersen, sigur, at hennara yndis jólasangur er "O Holy Night" við Katie Melua.


- Hennara tulking av sanginum er so flott og rein! Men um eg skal velja ein tíðarleysan jólasang, so má tað vera “Happy Xmas (War Is Over)” hjá John Lennon og Yoko Ono. Sangurin vísir á frið, og eg føli ordiliga jólafriðin, tá eg lurti eftir sanginum.

 

Yndis sangurin hjá Heidi Lindenskov Róadóttir er "Christmas Lights" hjá Coldplay.

 

- Coldplay eru so genialir, og hesin sangurin er mín fasti 1. desember sangur!

 

Rókur Herup Olsen sigur, at hansara yndis lag er "Carol Of The Bells."

 

- Mær dámar hann væl, tí hann er daprari enn aðrir jólasangir. Mann kann kalla tað eitt risa mood kill, men eg veit ikki, mær dámar tað væl.

 

Hoyr jólaplaylistan hjá redaktiónini her:

 
 

 

 

Samanhald fram um alt Eg fekk eitt prátt við Brynjar Hlodersson, Lasse Thillitz Andreasen og Grétar Snær Gunnarsson, um teirra tíð í Føroyum.
Playlistin: Kim Larsen Playlisti til minnis um Kim Larsen.
Klumman: Nei, barnið er helst púra vanligt Ov nógv foreldur eru orsøkin til sjálvupptikin børn, heldur Kára Bjarnadóttir Jakobsen, ið hevur skrivað klummu um reypandi foreldur.
Kropsfatanistar - Vit mugu bróta eitt tabu Tað er nógv ting vit tosa lítið um og so er tað summi ting vit slett ikki tosa um. Her hevur Røddin gjørt samrøðu við Signhild og Sunnvá sum á...
Yvirlit: tiltøk, konsertir og sjónleikir næstu tíðina