Terry'sa Saga á Summarfestivalinum

Klovurin Terry verður at hitta í Atlantis Bio á Summarfestivalinum. Í juli mánaði hevur hann bæði framført á G!-festivalinum og á Tjóðpalli Føroya. Nú er hann so endaður á Summarfestivalinum.

Terry'sa Saga er í stuttum ein leikur um ein klov, sum greiður frá Føroyinga søguni. Við sær hevur hann eina klokku, sum fer at ringja, tá akkurát 60 minuttir eru farnir. Hvussu langt Terry kemur í Føroyinga søguni, er tískil ymiskt frá sýning til sýning: tá klokkan hevur latið ljóð frá sær, er sýningin liðug.

Leikurin verður sýndur í Atlantis Bio fríggjakvøldið kl 19 og leygarkvøldið kl. 17.