Ellen Degeneres ger tað aftur

Ellen Degeneres hevur áður ”sníkt” seg inn í ymiskar filmar og sjónbond sum t.d Harry Potter, Real Housewives of Beverly Hills  og eitt sjónbandalag hjá Justin Bieber. Nú er hon í Anaconda hjá Niki Minaj.

Eftir bert trimum vikum hevur Anaconda sjónbandalagið hjá Nicki Minaj fingið 156 milliónir klikk á Youtube, og er tað heitasta í løtuni.

Ellen Degeneres hevur sína egnu undirhaldssending, og er blivin kosin sum ”Heimsins stuttligasti persónur” ferð eftir ferð.

Í vikuni byrjaði 12. sesongin av The Ellen Degeneres Show, og í tí sambandi hevur hon gjørt eitt sjónband, har hon dansar í Anaconda Sjónbandalagnum hjá Nicki Minaj. Tað hevur fingið 8,2 milliónir klikk á youtube eftir bert tríggjar dagar.