Kristina Bærendsen við nýggjum sjónbandalagi

Kristina Bærendsen gav herfyri út fløguna Nothing’s Here to Stay. Fyrsta staklagið av fløguni er Johnson City, ið nú er gjørt til sjónbandalag. 

Sjónbandalagið er tikið upp í Nashville, tá Kristina var har yviri og tók sangin upp til nýggju fløguna í fjør summar. Tað er Friisframe, ið hevur framleitt og upptikið.

Kristina er virkin bæði heima og úti. Í Føroyum spælir hon heilt nógv, men konsertferðirnar ganga eisini javnan út um klettarnar. Tískil hevur Kristina fingið nýggja heimasíðu, kristina.fo, ið er tøk á bæði føroyskum, donskum og enskum. Á heimasíðuni ber til at síggja nýggja sjónbandalagið hjá Kristinu og eisini aðrar framførslur hjá henni. Eisini ber til at hoyra tónleik umvegis Spotify.