Lady Gaga varpar út sjónbandalag, ið vísir neyðtøku

Lady Gaga hevur givið út ein nýggjan sang og sjónbandalag, sum skal varpa ljós á og stuðla neyðtøkuoffrum. 

Sangurin eitur ,,Til It Happens To You" og er gjørdur til filmin "The Hunting Ground". "

Sjónbandalagið vísir tríggjar ógvusligar neyðtøkur, ið eru gjørdar í einum beinleiðis og ráum tóna, og er avgjørt ikki fyri sartar sálir. Tað er heldur ikki meiningin. Hetta skrivar Mx.dk á heimasíðu teirra. 

Lady Gaga kennir sjálv til neyðtøku. Hon var 19 ára gomul, tá hon varð neyðtikin frá einum innan tónleikagreinina. Tað greiddi hon frá í einari samrøðu í The Howard Stern Show í fjør.

Tað var ein 20 ára eldri plátu-framleiðari, sum tá neyðtøk Lady Gaga. Tá segði hon soleiðis:

- Slíkt hendir hvønn dag. Tað er ræðuligt og tragiskt. Tað ávirkaði meg ikki so nógv beint efitr, at tað var hent, men fýra-fimm ár seinni ávirkaði tað hana nógv, segði Lady Gaga.