Marni Kruse við nýggjum staklagi

23 ára gamli Marni Kruse er av Oyrarbakka. Hann hevur júst givið út nýggja staklagið “Walking Under Stars”. Lagið er innspælt í Ranum Studios í Keypmannahavn.

Marni er búsitandi í Tromsø í Noregi. Seinastu tvey árini hevur hann spælt nógv runt um í norðurlondum, tó fyri tað mesta í Danmark.

Fyrsta tónleikaútgávan hjá Marna, ið kom út í summar, var ein EP-fløga við fimm løgum. Heitið á útgávuni er “Searching For Something I’m Looking For”, og hon inniheldur m.a. løgini “Boombox Songs” og “Rainy Days”.

9. juni er møguleiki at hoyra Marna spæla í Føroyum, tá hann fer at framføra við bólki í Reinsarínum.