- Tíðindi, mentan og ítróttur
Við Tórði á túri
Jákup Bærendsen, bóndi, sum er 11. ættarlið í sínari familju á garðinum á Sundi, sigur, at hóast bara eini hús fyri tað mesta hava verið á Sundi, er plássið at rokna sum ein bygd. Eitt skifti hava tvey hús verið, og tá tey vóru flest, vóru tey umleið 20 fólk á Sundi. Nú eru tey tvey. Áðrenn ættin hjá Jákupi kom higar, hava ymiskir havt festið. Millum annað onkur løgmaður.
Sundsgarður er 12 merkur og hann er býttur í tvey javnt stór festi. Hin helvtin er í Kaldbaksbotni.
Jákup Bærendsen sigur, at trø og annar vøkstur trívast væl á Sundi og sólargangurin er góður um summarið. Hann heldur, at um ógvisligi útgrevsturin og útfyllingin ikki høvdu verið gjørd, hevði Sund verið serliga væl egnað til familjuhugna, tí her var eisini góð sandstrond og til bar at vassa langt út. Ein sonn perla.
Bóndahúsini á Sundi vóru fyrstu húsini uttanfyri Havnina, sum høvdu telefonsamband, og fyrsta millumbygdasamrøða varð gjørd millum Sund og Havnina. Norsku teknikararnir, ið løgdu telefonlinjuna fyri Ólav á Heygum, ringdu fyrstu samrøðuna úr bóndahúsunum á Sundii fyri at vita um alt riggaði sum tað skuldi.