Anno 2016

Soleiðis siga næmingar úr 3. S í Hoydølum, tá tey verða spurd, hvat tey halda um nýggja átakið, har Mentamálaráðið hevur sett tveir sálarfrøðingar í hálvtíðarstarv í miðnámsskúlunum.

Eftir næmingunum at døma er stórur tørvur á hesum, og nógv ung, ið hava ymiskt at stríðast við, sum ein sálarfrøðingur kann hjálpa teimum við.

Men hvat er høvuðsendamálið hjá sálarfrøðingunum? Tað spyrja vit Súsonnu Skaale, sálarfrøðing, um. Súsanna greiðir eisini frá, hvørji evni tey ungu, sum ganga á miðnámsskúla, stríðast við.

Áðrenn næmingarnir koma til ein av sálarfrøðingunum, mugu tey venda sær til lestrarvegleiðingina. Har verður síðan avgjørt, um hetta er okkurt fyri sálarfrøðingin, ella um lestrarvegleiðarin sjálvur kann loysa hetta saman við næminginum.

Men hvussu ger lestrarvegleiðarin av, hvør næmingur sleppur til sálarfrøðing og ikki? Tí svarar Hans Mikkelsen, lestrarvegleiðari.

Men eftir stendur so ein spurningur: Er tað yvirhøvur neyðugt við sálarfrøðingum á miðnámsskúlum? Fleiri túsund næmingar hava lokið miðnámsskúlaprógv gjøgnum árini uttan at hava sálarfrøðing knýttan at skúlanum.

Bogi Bech Jensen, rektari á Glasi, sigur sína hugsan um hetta, og hann greiðir eisini frá, hvørjar ætlanir hann hevur við sálarheilsu og trivnað, tá Glasir letur dyrnar upp fyri næmingunum í august 2017.