Danmark herdi í dag tiltøkini munandi fyri at avmarka spjaðingina av Corona smittuni. Fyrrapartin helt danski forsætisráðharrin Mette Frederiksen tíðindafund, har hon staðiliga bað fólk um at taka tilmælini frá stjórinin í álvara.
Eitt nú steðgar øll flúgving úr teimum harðast raktu økjunum á midnátt og ferðafólk higani sleppa ikki inn á flogvøllin í Kastrup, men verða beind rundanum har, sum onnur ferðafólk eru.

Eitt av harðast raktu økjunum er Tyrol í Eysturríki.

Fleirir føroyingar eru á veg heim úr Tyrol í kvøld - tó ikki frá harðast rakta økinum - men tí sokallaða appelsingula partinum av Tyrol.

Vága Floghavn hevði ikki hoyrt nakað frá føroysku tilbúgvingarmyndugleikunum um herd tiltøk á flogvøllinum, men stjórin setti seg sjálvur í samband við landslæknan, sigur Regin Jacobsen, stjóri í Vága Floghavn.

Umframt ferðatilmæli út í heim, heitti Mette Frederiksen á danir um ikki at koyra í bussi og tokið tá stórst trýst er á almenna samferðslukervinum.

Høvuðsboðskapurin hjá danska forsætisráðharranum var, at danska heilsuverkið kann koma undir so stórt trýst av Corona farsóttini, at tað ikki ber til at veita neyðugu røktina til øll, sum vera rakt av Corona virusinum komandi vikurnar.
Tað kann merkja, at vit ikki hava møguleika fyri at hjálpa teimum, sum hava hjálp fyri neyðini - eitt nú um tey hava trupult við at anda, tí ov nógv hava tørv á viðgerð í senn.

Í sendingini eru millum annað samrøður við Regin Jacobsen stjóra á Vága Floghavn, Kaj Leo Holm Johannesen landsstýrismann í heilsumálum og Rógva Reinert, aðalstjórá í Fiskivimálaráðnum og formaður í Føroya Kreppuráði.