Kroppsliga fylti hon ikki nógv - lágmælta, klæna kvinnan, sum bráddliga gjørdist ímyndin av javnrættindi í USA. 

Síðani 2010 hevur Ruth Bader Ginsburg, sum fekk kelinavnið "The notorius RBG", nærmast verið dyrkað sum ein rockstjørna. 

Annegrethe Felter Rasmussen chefredaktørur og uttanríkiskorrespondent á talgilda miðlinum POV International er búsitandi í Washington DC. Í Breddanum í dag tosa vit við hana um, hvørja ávirkan Ruth Bader Ginsburg hevur havt á USA.

Sum ung lesandi á Harvard var Ginsburg ein av fáum kvinnum millum fleiri 100 menn. Hóast flott prógv hevði hon ilt við at finna starv eftir loknan lesna.
Hon hevur sjálv sagt, at serliga trý viðurskifti gjørdu tað trupult.
- Hon var kvinna, mamma og jødi

Í dag er eingin ivi um, at Ruth Bader Ginsberg við teimum dómum, hon hevur vunnið sum sakførari og sum hægstarættardómari, hevur flutt USA á eina nýggja kós - ikki minst tá tað kemur til líkastilling millum kyn.

Hon er kend fyri sín hvassa pen, tá hon er ósamd við niðurstøðuni hjá meirlutanum í hægstarætti.

Bill Clinton tilnevndi Ruth Bader Ginsburg sum hægstarættardómara í 1993.

Ruth Bader Ginsburg doyði fríggjakvøldið 87 ára gomul og stríðið um, hvør skal í hennara stól, er byrjað.
Í USA ger hægstirættur politikk, og tað er sitandi forsetin, sum tilnevnir ein dómara, tá ein fellur frá.
Tí verður setanin av hægstarættardómarum ofta til eitt politiskt eljustríð.

Eydnast tað Trump at seta ein hægstarættardomara í stólin hjá Ginsburg, áðrenn valið 3. november, er tað triðji dómarin, sum Trump setur í hesum valskeiði.
Vit tosa eisini við Annegrethe Felter Rasmussen um, hvussu tað kann at ávirka amerikanskan politikk.

Hoyr samrøðuna her.