- Tíðindi, mentan og ítróttur
Breddin
Í gjár fall dómur í einum av størstu málinum um kynsliga misnýtslu í Føroyum.
Ein 42 ára gamal maður bleiv dømdur trý ára fongsulsrevsing fyri at hava kynsliga misnýtt tríggjar dreingir í hálvt triðja ár frá 2017 til desember 2019.
Dómurin er munandi stytri enn tey átta árini, sum ákæruvaldið kravdi.
Men hví er so stórur munur á kravinum hjá ákæruvaldinum og dóminum?
Jógvan Elias Winther Poulsen, advokatur, vitjar í útvarpsstovuni, og tingmennirnir Aksel V. Johannesen og Christian Andreasen kjakast um revsilógina.
Oljuævintýrið
Føroyingar høvdu ein dreym um svarta gullið.
Tað bleiv kortini aldrin til nakað meira enn ein dreymur.
Men hóast oljan ongantíð bleiv funnin í førosykum øki, so hevur dreymurin um at finna olju havt stórar avleiðingarnar fyri føroyska samfelagið.
Vit hava hitt Árna Petersen, sum nýliga hevur vart eina ph.d. um ítøkiligu ávirkingarnar av oljuævintýrinum á føroyska samfelagið.
Luttakar: Árni Petersen, Jógvan Elias Winther Poulsen, Aksel V. Johannesen og Christian Andreasen.
Gjørt sendingina hava Elin Mirjamsdóttir, Kaj Joensen og Hallur av Rana.
Redaktørur: Hallur av Rana