- Tíðindi, mentan og ítróttur
Breddin
Stórar upphæddir eru fluttar millum feløg í Framherja-samtakinum í Føroyum og feløg hjá Samherja á Kypros. Og ábendingar eru eisini um, at føroyska felagið Framherji er stýrt úr Íslandi - í stríð við føroyska fiskivinnulóggávu.
Vit skatta dýpið í løgtinginum, har tingfólk eru ymisk á máli um tað, tey sóu í sendingini "Teir ómettiligu II" í sjónvarpinum í gjárkvøldi. Vit tosa við Jacob Vestergaard og Høgna Hoydal, ávíkavist verandi og fyrrverandi landsstýrismann í fiskivinnumálum. Hvat ger eftirlitið við nýggju upplýsingarnar? Tann spurningin seta vit Eyðuni Mørkøre, stjóra á Taks.
Síðst í sendingini kjakast Bárður Nielsen og Aksel V. Johannesen, ávíkavist løgmaður og fyrrverandi løgmaður, um útlendskan ognarskap í føroysku fiskivinnuni.
Lagt til rættis: Elin Mirjamsdóttir, Uni Holm Johannesen og Jón Brian Hvidtfeldt.
Redaktørur: Jón Brian Hvidtfeldt.