Blóðreyð tøl eyðmerktu roknskapin fyri 2020 hjá Atlantic Airways, aftaná eitt tungt ár merkt av koronafarsóttini.

Vit tosa við nevndarformannin, Niels Mortensen, um framtíðarútlitini hjá tjóðarflogfelagnum

Bústaðarskylda
Neyðugt er við bústaðarskyldu og/ella tænastugjøldum, um forðast skal fyri, at heilar bygdir enda sum summarhúsøkir.

Tað sigur Sunda kommuna, sum heitir á Kommunufelagið at virka fyri slíkari loysn.

Jógvan Kruse, borgarstjóri í Sunda kommunu, var gestur í útvarpsstovuni. 

Strandferðslan innan kommunumark
 Skulu kommunurnar taka eina størri ábyrgd fyri sjóvegis flutningin av egnum borgarum?

Heðin Mortensen, borgarstjóri í Tórshavnar kommunu, og Jørgen Niclasen, landsstýrismaður í samferðslumálum, kjakaðust um hetta í útvarpsstovuni. 


Luttakarar: Niels Mortensen, nevndarformaður í Atlantic Airways, Jógvan Kruse, borgarstjóri í Sunda kommunu, Hilmar Eliasen, stjóri í Strandferðsluni, Jørgen Niclasen, landsstýrismaður í samferðslumálum, og Heðin Mortensen, borgarstjóri í Tórshavnar kommunu.

Gjørt sendingina hava Krista Johnsdóttir Kreutsmann og Jón Brian Hvidtfeldt.

Hallur av Rana er rekaktørur.