- Tíðindi, mentan og ítróttur
Breddin
Á øðrum sinni innan eitt ár, var ein amerikanskur uttanríkisráðharri í Danmark at mýkja sambondini við londini í ríkisfelagskapinum.
Anthony Blinken var á almennari vitjan og takkaði Danmark fyri sín innsats í arktis og fyri góða samstarvi við Føroyar og Grønland. Men hvat stendur eftir vitjanina í gjár, og hvør er Anthony Blinken.
Tað frætta vit meira um seinni í sendingini, tá vit tekna vangamynd av amerikanska uttanríkisráðharranum, og vit tosa við Jenis av Rana, landstýrismann í uttanríkismálum um hvat ítøkjuligt kom burturúr amerikansku vitjanini í gjár.
Síðst í sendingini koma tvær tingkvinnur eisini í útvarpsstovuna at kjakast um støðuna hjá Føroyum nú tað tykist greitt, at mantraðin um at arktis skal vera eitt friðarøkið er undir størri og størri trýsti.
Sendingina gjørdu Krista Johnsdóttir Kreutzamnn, Arnfríð Joensen Dahl, Kaj Joensen og Tróndur Olsen, sum eisini var redaktørur.