Úrslit frá stórari kanning um harðskap vórðu løgd fram í dag.
Meira enn ein triðingur, 36 prosent, av teimum spurdu hava verið fyri onkrum slagi av harðskapi. Og 23 prosent - ella meira enn fimti hvør - av teimum spurdu hava verið fyri kynsligum ágangi.

Eisini vísir kanningin, at harðskapur og kynsligur ágangur hava sera álvarsligar fylgjur fyri tey, sum eru rakt. Tí sambært kanningini eru nógv teirra, sum hava verið fyri kynsligum ágangi plágað av tungum tonkum, vónloysi, einsemi og trupulleikum í parlagnum. Tey eru eisini í nógv størri mun, enn onnur, arbeiðsleys ella óarbeiðsfør.

Vit skulu krevja eina null-hugsjón, tá umræður harðskap og kynsligan ágang. Tað sigur landsstýriskvinnan í Almannamálum.

Og

Tað er átaluvert at ein landstýrismaður sáar iva um trygdina við at koppseta fyri koronu. Tað sigur Tummar í Garði, varastjóri á sjúkrahúsinum og limur í koppsetingarnevndini eftir Jenis av Rana í gjár segði við heimasíðuna VP.fo, at hann ikki fór at koppseta seg fyri covid-19 fyrr enn tað er greitt hvørji langtíðarárinini eru.
Men er álitið á koppingarevninum móti covid-19 - og koppingarætlanini nú í vanda, hvørji langtíðarárin væntar man at síggja hjá koppsettum árini eftir prikið, og hvørja ábyrgd hevur ein landstýrismaður í eini slíkari støðu sum vit eru í nú?
Tað eru millum spurningarnar vit royna at fáa greiðu á í dagsins Bredda, og vit tosa við Shahin Gaini, serlækna í infektiónsmedisini, og Inga Samuelsen, redaktøri á blaðnum vikuskifti á portal.fo
 

Sendingina gjørdu Krista Johnsdóttir Kreutzmann, Arnfríð Joensen Dahl og Tróndur Olsen, sum eisini var redaktørur.