Breddin

Breddin: Bústaðir
14-10-2021
Ruðuleiki valdar í Bústøðum

Regin Hammer, nevndarformaður, hevur sett Andras Róin til viks sum stjóra í Bústøðum og ósemja valdar í stýrinum. Stjórin, Andras Róin, sleppur hvørki at tosa við miðlar ella annars at kunna um bústaðarfelagið uttan góðkenning frá Regini Hammer, nevndarformanni.

Hetta hevur nevndarformaðurin gjørt við at seta nýggja áseting í starvsskipanina fyri Bústaðir. Talan er um punkt 6.3 í starvsskipanini, har staðfest verður, at: "Stýrisformaðurin myndar felagið saman við stjóra. Stjóri úttalar seg vegna felagið eftir avtalu við stýrisformannin." og "Kunning úr felagnum er eftir avtalu við stýrisformannin".

Slík áseting hevur ikki áður verið í starvsskipanini fyri Bústaðir, men varð samtykt á stýrisfundi á mikkjalsmessu, tann 29. september. Tó ikki av einum samdum stýri. Tríggir stýrislimir vóru fyri broytingini og tveir ímóti. Sum Kringvarpið skilir, so er hetta við 3-2 atkvøðugreiðslu vorðin alsamt meira vanligur kostur í stýrisarbeiðinum.

Nýggja starvsskipanin skal formliga góðkennast av landsstýriskvinnuni í almannamálum, Elsebeth Mercedis Gunnleygsdóttur. Landsstýriskvinnan vil ikki tosa við Kringvarpið um málið, men sigur í einum SMS-boðum: "Eg havi onki at siga til málið um uppskotið til starvsskipan hjá Bústøðum, tí tað er júst komið inn og verður fyrst viðgjørt av míni umsiting, áðrenn eg fái tað til støðutakan."

Stjórin í Bústøðum, Andras Róin, er ikki til arbeiðis í løtuni. Hann er sjúkraskrivaður. Tað váttar hann fyri Kringvarpinum. Tá hann verður spurdur, um hetta hevur nakað við nýggju støðuna at gera, er svarið, at "hann kann ikki úttala seg um Bústaðir yvirhøvur".

Regin Hammer vildi ikki koma í útvarpsstovuna í dag, men sigur í skrivligum boðum: "Tú ert vælkomin at sitera meg fyri at siga 1) at eg vil ikki gera viðmerkingar til eitt mál um starvsskipan, sum í løtuni er til viðgerðar í Almannamálaráðnum - tey mugu sleppa at arbeiða í friði. Og 2) at eg vil ikki gera viðmerkingar til arbeiðið innanhýsis í stýrinum - tað er í trúnaði."

Í sendingini tosa vit við Eyðfinnur Jacobsen, advokat við royndum í nevndararbeiði og Jóhann Mortensen, fyrrverandi stýrisformaður fyri nevndina í Bústøðum. Og so virjar aðalstjórin í Almannamálaráðnum, Eyðun Mohr Hansen, í útvarpsstovuni.

Gjørt sendingina hava John Johannesen, Hallur av Rana og Arnfríð Joensen Dahl, sum eisini var redaktørur.

Breddin

Sending um aktuel evni, sum verður send týsdag, mikudag, hósdag og fríggjadag klokkan 10:00.
Gongd í haga
27-02-2024
Hvussu eru vit fyrireikað til kríggj og kreppustøður?
23-02-2024
Vesturheimurin sær Navalny sum ímyndina av fólkaræði, men hann var eisini ein umstríddur persónur - og í tvey ár hevur einki virksemi verið á Familjudeplinum
22-02-2024
Fólkaskúlin skal broytast - aðalorðaskifti verður í tinginum í dag
20-02-2024
Amerikanska forsetavalið
16-02-2024
Ein aljtóða grein um eina nýggja ístíð hevur vakt ans í her heima og í fleiri altjóða miðlum
15-02-2024
Valevnini til forfólkasessin í Føroya Pedagogfelag kjakast í útvarpsstovuni og Allan Sørensen hevur tað nýggjasta úr Ísrael
13-02-2024
Hvussu troyta vit best okkara møguleikar fyri ávirkan í Arktis?
09-02-2024
Hómast nakar endi í krígnum í Ukraina og brúka føroyskir parlamentarikarar teir møguleikar, sum teir hava at gera sína ávirkan galdandi í Arktis
08-02-2024
Løgtingið er í hesum døgum karmur um Ungdómstingið 2024, har fólkaræðið verður sett á breddan.
06-02-2024
Tað er ódámligt smikur tá løgmaður og landsstýrismaðurin í tilbúgving takkaðu fyri eftir ódnina mikudagin halda summi og stýra ríkmenn for nógv við gávum?
02-02-2024
Er valdsjavnvágin í heiminum við at broytast? Og hvussu hevur fólkaræðið í vesturheiminum tað? Tað er á Breddanum í dag.
01-02-2024