- Tíðindi, mentan og ítróttur
Breddin
Ófriðurin í Bústøðum fekk ein fyribils enda í gjáramorguni, tá stýrið valdi at umskipa seg. Hetta hendi eftir nakrar rokfullar dagar, har Elsebeth Mercedis Gunnleygsdóttur, landsstýriskvinna í almannamálum, varð løgd undir trýst av øllum flokkum á løgtingi at loysa støðuna. Landsstýriskvinnan hevði ikki meira enn fráboðað, at hon nú fór at gera nakað, fyrr enn Stýrið sjálvt yvirhálaði hana og umskipaði seg.
Men er hetta nóg mikið til at fáa frið í lag og fáa Bústaðir at virka aftur? Tann spurningin seta vit Ingilín D. Strøm úr Javnaðarflokkinum og Christiani Andreasen úr Fólkaflokinum.
437 fólk smittað og 5 fólk innløgd við covid-19. Koronatølini hava aldrin áður verið so høg. Hvat kann gerast fyri at venda støðun? Vit tosa við Lars Fodgaard Møller, landslækna, og Pál Weihe, serlækna.
Sendingina gjørdu: Elin Mirjamsdóttir, Jón Brian Hvidtfeldt og Hallur av Rana, sum eisini er redaktørur.