- Tíðindi, mentan og ítróttur
Breddin
- Heimurin er á beinari kós móti eini veðurlagsvanluku.
ST-aðalskrivarin António Guterres legði ikki fingrarnar ímillum, tá hann fekk orðið í samband við nýggjastu frágreiðingina hjá Veðurlagsnevndini hjá ST.
Ávaringin fall einans nakrar fáar dagar áðrenn COP26-veðurlagstoppfundin, sum byrjar sunnudagin.
Í Breddanum næstu dagarnar hyggja vit nærri eftir veðurlagsbroytingunum í samband við stóra veðurlagstoppfundin.
Í dag er fokus á nakrar av lívfrøðiligu broytingunum í Føroyum.
Gestir eru Súni Petersen, deildarleiðari í Umhvørvisstovuni, Sjúrður Hammer, Ph.D. í lívfrøði, Jóhannis Danielsen, ph.d. í lívfrøði, og Magnus Rasmussen, landsstýrismaður í umhvørvismálum.
Gjørt sendingina hava Elin Mirjamsdóttir, Jón Brian Hvidtfeldt og Hallur av Rana.